Uvachod u ofis «TDTIprajekt». Fota: Jandeks
Siarod zatrymanych — 65-hadovy dyrektar «TDTIprajekt», jahonaja 66-hadovaja žonka — hałoŭny architektar arhanizacyi, a taksama ich 35-hadovaja dačka i jaje muž, jakija pracujuć tam ža na pasadach hałoŭnych architektaraŭ prajektaŭ.
Usie hetyja ludzi ŭ «pakajannych» videa kažuć, što ŭdzielničali ŭ pratesnych maršach. «U 2020 hodzie ja, maja žonka, a taksama cieść i ciešča ŭdzielničali ŭ akcyjach pratestu i pierakryvali ruch hramadskaha transpartu. U dadzieny momant ja i maja siamja zatrymanyja», — pramaŭlaje na kamieru mužčyna.
Akramia taho, u videa fihurujuć jašče try čałavieki, jakija robiać anałahičnyja vymušanyja pryznańni. Heta dźvie žančyny, jakija taksama pracujuć u śfiery prajektavańnia i budaŭnictva (ekanamist u adnym z trestaŭ i hałoŭny buchhałtar u DUP «Biełhidraŭlika»), i mužčyna, jaki pracuje ŭ turystyčnaj kampanii «Trevieł hrup». Apublikavanyja taksama sumiesnyja zdymki hetych ludziej z pratestnaha maršu.
Kali hetyja ludzi byli zatrymanyja i ŭ jakim statusie znachodziacca ciapier, a taksama ci ŭziatyja jany pad vartu abo znachodziacca na voli — nie ŭdakładniajecca. Imiony zatrymanych taksama nie nazyvajuć.
Adnak viadoma, što dyrektar i hałoŭny architektar «TDTIprajekt» — heta Ihar i Taćciana Kaleśniki.
Firma «TDTIprajekt», jak napisana na jaje sajcie, pracuje z 2008 hoda, udzielničała ŭ prajektavańni mnohich budynkaŭ u Minsku, u tym liku viadomaha VK «Łazuryt» i inšych abjektaŭ u Lebiadzinym. Taksama pradpryjemstva raspracoŭvała kancepcyju raźvićcia aeravakzalnaha kompleksu minskaha aeraporta, realizoŭvała prajekty ŭ rehijonach Biełarusi, Rasii i Turkmienistanie.
Jak paznačana na sajcie «TDTIprajekt», siarod jaho klijentaŭ — MTS, Nacyjanalnaja biblijateka, Kitajska-biełaruski industryjalny park «Vialiki Kamień», RUP «Nacyjanalny aeraport Minsk», DP «Upraŭleńnie kapitalnaha budaŭnictva Savieckaha rajona horada Minska», Śviata-Jelisaviecinski žanočy manastyr i inšyja.
fu. niezdarma ich zatrymali