Fota: pixabay.com
Lisički možna źbirać praktyčna ŭsio leta, a časam i da poźniaj vosieni. Jany dobra rastuć na ŭźleskach, palanach i ŭ hajach, u chvojnikach i dubovych lasach. Možna znajści lisički ŭ vysokaj travie, pad mocham ci pad liściem. Hetyja hryby zvyčajna rastuć u hrupach, tamu vam nie spatrebicca doŭha šukać kožnuju asobnuju lisičku, piša aniaradzi.pl.
Pierš za ŭsio lisički adroźnivajucca žoŭtym koleram šapački i bolš śvietłym adcieńniem nožki. U maładych lisičak šapačka bolš vypukłaja, ale z časam jana źmianiajecca na ŭvahnutuju.
Kali vy kuplajecie lisički ŭ mahazinie, imavierna, ich myjuć da prodažu, ale kali ž vy sami sabrali hryby abo nabyli ich na rynku, vam pryjdziecca samastojna ich čyścić ad piasku. Na ščaście, jość niekalki sposabaŭ zrabić heta chutka i bieź vialikich pakut. I nie lanujciesia čyścić lisički: kali hetaha nie rabić ci rabić drenna, hryby buduć mienš smačnyja, a to i ich uvohule budzie niemahčyma jeści.
Pieršy varyjant — prosta pamyć lisički pad pratočnaj vadoj. Heta dapamoža pačyścić hryby, ale tolki ŭ tym vypadku, kali jany nie nadta brudnyja.
Taksama možna pakłaści lisički ŭ misku, mocna pasypać ich sollu i zalić varam. U takim vypadku ŭvieś piasok z hryboŭ apuścicca na dno miski, i vy prosta dastaniecie ź jaje čystyja hryby. Paŭtarycie hetuju paśladoŭnaść niekalki razoŭ, pakul nie ŭpeŭniciesia, što lisički dakładna ačyścilisia.
Reč u tym, što pad uździejańniem kipietniu i soli ŭ lisičkach vypracoŭvajecca ślizkaja substancyja, dziakujučy jakoj ad ich adychodzić piasok i inšy brud. Ale nie zabudźcie dobra pramyć hryby i potym prasušyć ich na papiarovym ručniku.
Taksama pačyścić lisički možna ŭručnuju z dapamohaj ščotki. Hety varyjant padychodzić da bujnych lisičak, a taksama da vypadkaŭ, kali piasku ŭ hrybach niašmat i jon suchi. Kali ž zabrudžvańnia bolš i piasok vilhotny, lepiej pačyścić ich z dapamohaj ščotki, zmočanaj u alei ci ŭ kipieni z sollu.
Varta pamiatać, što kali vy zachoŭvajecie mytyja hryby, jany mohuć chutčej zhnić, tamu myjcie ich jak maha bližej da času hatavańnia. Kali vy płanujecie sušyć ci zamarožvać hryby, pramyvać ich nie treba, lepiej pratrycie lisički vilhotnaj survetkaj. Taksama možna pasprabavać sčyścić reštki brudu vostrym nažom. I nie zabyvajcie, što z hryboŭ treba prybirać nie tolki piasok, ale i liście, ihlicu, moch i travu.
Daśviedčany hrybnik raskazaŭ, kali nastanie pik siezonu lisičak
Vykručvać ci zrazać hryby? Samy strašny hrech u inšym
