Pozna ŭviečary 2 žniŭnia 47-hadovy mužčyna ŭ svaim domie ŭ Kryčavie raśpivaŭ ałkahol u kampanii znajomych i žonki. U niejki momant pamiž mužam i žonkaj uspychnuła svarka na hlebie reŭnaści. Tady haspadar doma schapiŭ kuchonny nož i ŭdaryŭ im niekalki razoŭ žančynu. Ad atrymanych ranieńniaŭ jana pamierła na miescy.
Starejšaja dačka zabitaj žančyny patelefanavała ŭ milicyju i paviedamiła, što jaje baćka zarezaŭ maci. Milicyjaniery apieratyŭna zatrymali mužčynu. Pa vynikach miedycynskaha ahladu padazravanaha kancentracyja paroŭ ałkaholu ŭ vydychanym im pavietry skłała 1,5 pramile.
Dziejańni 47-hadovaha žychara Kryčava kvalifikavanyja pa p. 6 č. 2 art. 139 (zabojstva, učynienaje z asablivaj žorstkaściu) Kryminalnaha kodeksa Respubliki Biełaruś. Mužčyna raniej nieadnarazova sudzimy.