Pa danych krynicy vydańnia, kałona vajennych hruzavikoŭ prybyła na terytoryju AES 2 žniŭnia. Hruzaviki spynilisia pamiž pieršym i druhim enierhabłokami i praź niekatory čas častka kałony pa adnoj mašynie pačała zajazdžać na terytoryju mašynnaj zały pieršaha enierhabłoka praz hruzavyja varoty. Pa danych hetaj krynicy, mašynnaja zała była zaminiravanaja.
Pavodle pakazańniaŭ inšaj krynicy, na terytoryi stancyi znachodziacca kala 500 rasijskich sałdat i vajennaja technika, u tym liku BTRy, zienitnyja ŭstanoŭki i technika dla radyjechimičnaj vyviedki, a terytoryja vakoł stancyi zaminiravanaja rasijskimi vojskami. Pa danych krynicy, pablizu vioski Vadzianoje, najbližejšaj da AES, znachodziacca batarei «Hradaŭ», a miny i bojekamplekt rasijskija sałdaty zachoŭvajuć u niepasrednaj blizkaści da enierhabłoka, pad estakadami, pryčym častka bojekamplekta navat usiaredzinie enierhabłoka. Ci byŭ enierhabłok zaminiravany abo jaho prosta vykarystoŭvajuć dla zachoŭvańnia vybuchoŭki, nieviadoma.
Pa danych krynicy, zachopam stancyi kiravaŭ hienierał-major Alaksiej Dambroŭski, paśla čaho kamandavańnie pieradali hienierał-majoru vojskaŭ radyjacyjnaj, chimičnaj i bijałahičnaj abarony US RF Valeryju Vasiljevu.
