Raniej tam prapanoŭvali pastavić pomnik represavanamu homielskamu architektaru Stanisłavu Šabunieŭskamu.
Stanisłaŭ Šabunieŭski (1866—1937) — viadomy architektar, aŭtar značnaj častki zabudovy Homiela pačatku XX st., pa jaho prajektach byli ŭźviedzienyja budynki, jakija stali simvałami horada: Alaksandraŭskaja mužčynskaja himnazija, Arłoŭski kamiercyjny bank, Vilenski kamiercyjny bank, haścinica «Savoj», korpus Ziemskaj balnicy, žyłyja damy dy inšyja pabudovy.
Byŭ represavany ŭ 1937 hodzie i zahinuŭ na Biełamorkanale. U 2018 hodzie jamu było prysvojenaje zvańnie hanarovaha hramadzianina horada.
