Raman Hałoŭčanka. Fota: BiełTA
Pra heta zajaviŭ žurnalistam premjer-ministr Raman Hałoŭčanka paśla narady ŭ Łukašenki pa stvareńni partovych mahutnaściaŭ dla ekspartu biełaruskaj pradukcyi, piša BiełTA.
Adkazvajučy na pytańnie pra toje, jakija miery Biełaruś pa daručeńni Łukašenki maje namier pryniać u suviazi z faktyčnym adabrańniem ułasnaści ŭ Litvie, Łatvii i inšych krainach, Raman Hałoŭčanka skazaŭ: «Nami ŭžo pačataja pretenzijnaja praca. Faktyčna nam pieraškadžajuć realizoŭvać svaje kamiercyjnyja intaresy».
«Našy miery ŭ adkaz ciapier rychtujucca. Taksama ŭsio budzie cyvilizavana. Usia ŭłasnaść i jurydyčnych, i fizičnych asob niedružalubnych dziaržaŭ Respublicy Biełaruś viadomaja, jana padličanaja», — praciahnuŭ Raman Hałoŭčanka.
Kiraŭnik urada zapeŭniŭ, što nijakich ahresiŭnych dziejańniaŭ ź biełaruskaha boku nie budzie: «My nastrojenyja i z usich placovak kažam, što chočam vybudoŭvać cyvilizavanyja handlovyja, kamiercyjnyja stasunki. Ale kali ŭ dačynieńni da nas užyvajuć ahresiŭnyja dziejańni ekanamičnaha kštałtu, viadoma ž, my maŭčać nie budziem. Jak minimum heta buduć lustranyja rašeńni. Ale da apošniaha budziem zaklikać da hołasu rozumu, kali jaho niechta pačuje».
