Fota: Netflix
Kinošnikam spatrebiłasia 30 hadoŭ, kab adaptavać da ekrana «Piasočnaha čałavieka», i niezdarma. Tvor Hiejmana — vialikaja i śmiełaja historyja pra bahoŭ i demanaŭ, nastolki hłybokaja i bahataja, što ciažka ŭjavić, jak ucisnuć jaje ŭ 10 sieryj. Tym nie mienš, usio atrymałasia, i «Piasočny čałaviek» moža śmieła zaniać svajo miesca siarod sučasnych miehabiudžetnych błokbasteraŭ u žanry fentezi, piša Guardian.
Sieryjał ź pieršych chvilin pahružaje vas ŭ svoj śviet. Dziejańnie pačynajecca ŭ 1916 hodzie, kali Łord Morfieus (jon ža Son, Piasočny čałaviek ci Łord Morfieus, son viečnych) pamyłkova traplaje ŭ pastku da złoha čaraŭnika Raderyka Biordžesa. Toj źbiraŭsia zachapić Śmierć, a nie Son, i vykarystać jaje siłu, kab ažyvić lubimaha syna, zabitaha padčas vajny. Zamiest hetaha jamu trapiŭsia Son, i Biordžes źniavolvaje jaho hołaha ŭ šklanoj śfiery ŭ svaim sklepie.
Na niekatory čas moža padacca, što abstanoŭka ŭ sieryjały krychu zmročnaja, ale nieŭzabavie vy pačniecie razumieć: sieryjał zanadta maštabny, kab prytrymlivacca adnoj epochi ci žanru. Na praciahu ŭsiaho siužeta čas to zapavolvajecca, to lacić vielmi chutka, i hladač pieraskokvaje praz roznyja pieryjady, harady i carstvy. Zdajecca, schiema składanaja, ale nasamreč jana pracuje dobra.
Častkova heta źviazana z tym, što ŭ asnoŭnym dziejańnie ŭ sieryjale praciakaje spakojna. Paśla taho, jak vas paznajomili z asnoŭnymi elemientami historyi, vy atrymajecie stolki času, kolki treba, kab zrazumieć hałoŭnyja padziei. Kamuści z hledačoŭ spadabajucca bolš fantastyčnyja elemienty «Piasočnaha čałavieka» — naprykład, bitva ź Lucyfieram ci miłaja mifičnaja istota, jakuju zavuć Hrehary. Ale ž kamuści buduć bližejšymi bolš čałaviečyja i emacyjnyja frahmienty sieryjała, źviazanyja z kamunikacyjaj pamiž hierojami.
«Piasočny čałaviek» zachaplaje z samaha pačatku. Heta cikavy, jarki i, biezumoŭna, hrandyjozny sieryjał, ale pierš za ŭsio jon zmročny. U im uzryvajucca cieły, adsiakajucca kaniečnaści, dy jašče i demany vypaŭzajuć z vusnaŭ prafiesijnych futbalistaŭ. Ale ŭsie hetyja sceny supravadžaje vialikaja emacyjnaja hłybinia, i tamu «Piasočny čałaviek» — dakładna adzin ź lepšych sieryjałaŭ svajho žanru. Uličvajučy pieršakrynicu, heta i nie dziŭna. Tamu «Piasočny čałaviek» moža akazacca vartym jak dla tych, chto viedaje komiksy ad Hiejmana, tak i dla pačatkoŭcaŭ u hetym suśviecie.
Rejtynhi na vialikich suśvietnych resursach:
IMDB — 7,8/10
Rotten Tomatoes — 87%
Što pahladzieć. «Źmiej u Eseksie» — kachańnie, tajny i viktaryjanski nastroj ad Kłer Dejns
Što pahladzieć. «Čornaja ptuška» — zachaplalnaja złaviesnaja drama
Što pahladzieć. «Usio paŭsiul i adrazu» — talenavitaja i viasiołaja fantastyka
