Na jubilejnym tydni kolkaść raspaznanych piesień pieravysiła adznaku ŭ 70 miljardaŭ, a ŭsiaho dadatkam ciapier štomiesiac karystajucca bolš za 225 miljonaŭ ludziej pa ŭsim śviecie.
Dalej u kampanii zhadali muzyčnyja rekordy: samych zapatrabavanych artystaŭ, samyja papularnyja kampazicyi i pieršyja dasiahnieńni pa kolkaści raspaznanych trekaŭ.
Značnyja «pieršyja»
- Pieršaja raspaznanaja pieśnia: T. Rex — «Jeepster» (19 žniŭnia 2002 hoda);
- Pieršaja raspaznanaja pieśnia ŭ dadatku na iOS: Aimee Mann — «How Am I Different» (10 lipienia 2008 hoda);
- Pieršy trek, jaki šukali 1000 razoŭ: Eminem — «Cleanin' Out My Closet» (vierasień 2002 hoda);
- Pieršy trek, jaki dasiahnuŭ adznaku ŭ 1 miljon raspaznavańniaŭ: Ke$ha — «TiK ToK» (luty 2010 hoda);
- Pieršy trek, jaki rasšukali 10 miljonaŭ razoŭ: Gotye feat. Kimbra — «Somebody That I Used to Know» (śniežań 2012 hoda);
- 20 miljonaŭ raspaznavańniaŭ: Lilly Wood & The Prick and Robin Schulz — «Prayer In C (Robin Schulz Radio Edit)» (kastryčnik 2015 hoda);
- Pieršy artyst, u jakoha było miljon raspaznavańniaŭ: Lil Wayne (luty 2009 hoda). U jaho ž u červieni 2011 hoda było 10 miljonaŭ;
- Pieršy artyst sa 100 miljonami raspaznavańniaŭ: David Guetta (maj 2015 hoda).
Treki, jakija nabrali papularnaść chutčej za ŭsich
- Trek, u jakoha chutčej za ŭsio nabraŭsia miljon raspaznavańniaŭ: BTS — «Butter» (dzieviać dzion);
- Trek, u jakoha chutčej za ŭsio nabrałasia 10 miljonaŭ raspaznavańniaŭ: Ed Sheeran — «Shape of You» (87 dzion);
- 20 miljonaŭ: Tones And I — «Dance Monkey» (219 dzion).
Samyja papularnyja za ŭvieś čas
- Drake — samy papularny vykanaŭca servisu, u jaho bolš za 350 miljonaŭ raspaznavańniaŭ. Čaściej za ŭsio karystalniki šukali jahonuju pieśniu «One Dance» — bolš za 17 miljonaŭ razoŭ;
- Samaja papularnaja pieśnia za ŭvieś čas — «Dance Monkey» vykanaŭcy Tones And I, jaje šukali bolš za 41 miljonaŭ razoŭ;
- Samaja papularnaj pieśniaj u karystalnikaŭ SMS-servisu da zapusku mabilnych dadatkaŭ była «Crazy» hruppy Gnarls Barkley.
Taksama ŭ Apple Music skłali płejlist z 20 samych papularnych trekaŭ za kožny kalandarny hod z momantu zapusku servisu. Aproč pieraličanych vyšej piesień tudy patrapili, naprykład, «Rolling in the Deep» śpiavački Adele, «Lean on» dydžeja Major Lazer i «Bring Me to Life» ad Evanescense.
