Źbiralnica bavoŭny ŭ Indyi. Fota: Prashanth Vishwanathan/Bloomberg
Indyja, jakaja tradycyjna lidziruje pa vytvorčaści bavoŭny, ciapier vymušanaja zakuplać jaje ŭ inšych krainach. Adznačajecca, što ŭ suśvietnym eksparcie bavoŭny pieršaje miesca (33%) zajmajuć ZŠA, a druhoje — Brazilija (17%). Ale vytvorčaść bavoŭny ŭ ZŠA hetym letam upała na 28%. Brazilija, u svaju čarhu, vymušanaja mieć spravu z padzieńniem abjomaŭ uradžaju na 30%.
Adzin z najbujniejšych vytvorcaŭ bavoŭny ŭ Brazilii Bom Futur zaśviedčyŭ, što ŭ 2022 hodzie ŭradžajnaść źniziłasia na 27%.
Ekśpierty miarkujuć, što skaračeńnie abjomaŭ vytvorčaści bavoŭny i jaje padaražańnie mohuć mieć vynikam skačok cenaŭ na šerah tavaraŭ — padhuźniki, futbołki i inšuju vopratku, kardon i mnohaje inšaje.
Hienieralny dyrektar rytejlera adzieńnia Children's Place Džejn Ełfiers ličyć situacyju, jakaja skłałasia, «vielizarnaj prablemaj». Jak piša The Wall Street Journal, kala 40% bavaŭnianych paloŭ byli zakinutyja z-za zasuchi.