«My nazirajem, što jany [rasijanie] istotna pavialičyli kolkaść rakietanoscaŭ u Čornym mory. U pryvatnaści, z rakietami «Kalibr» ich ciapier 5, u tym liku padvodnyja.
Vykarystańnie «Kalibraŭ» hetaj nočču moža być peŭnym znakam taho, što jany hatovyja ich prymianiać, navat niahledziačy na ich vysoki košt i nie vielmi vialikuju kolkaść, jakaja tam jašče zastałasia».
Humianiuk adznačyła, što rasijanie buduć padciahvać siły na Mikałajeŭskim i Chiersonskim napramkach, pakolki «krepaść niazłomnaści Nikałajeŭ, jakaja nie daje prasunucca na poŭdni, im vielmi nie daje spakoju».
Pavodle danych VMS Uzbrojenych sił Ukrainy, apošni raz 5 rakietanoscaŭ u Čornym mory fiksavali 1 žniŭnia. Paśla hetaha pieravažna ich było 2-3.
Prezident Uładzimir Zialenski papiaredziŭ, što na nastupnym tydni, kali Ukrajina budzie śviatkavać dzień Niezaležnaści, Rasija moža ažyćciavić asabliva žorstkija dziejańni.
Rabotnikam ustanoŭ, raźmieščanych va ŭradavym kvartale, rekamiendujuć z 22 pa 26 žniŭnia pracavać dystancyjna z domu. U niekatorych rehijonach uvodzicca praciahłaja kamiendanckaja hadzina.
