Drytan Abazavič. Fota: AP Photo/Risto Bozovic
Na pačatku žniŭnia Abazavič padpisaŭ pahadnieńnie ź Sierbskaj pravasłaŭnaj carkvoj i jaje patryjarcham Parfiryjem. Dakumient siarod inšaha paćviardžaŭ prava ŭłasnaści Carkvy na nieruchomaść u Čarnahoryi.
Na dumku inicyjataraŭ adstaŭki ŭrada, kamanda premjer-ministra Abazaviča abiacała damahčysia prahresu ŭ reformach dla ŭstupleńnia Čarnahoryi ŭ Jeŭrasajuz, ale zamiest hetaha zasiarodziłasia na adnosinach z Carkvoj, tym samym nahniatajučy napružanaść u hramadstvie.
Pravaabarončyja hrupy i prajeŭrapiejskija palityčnyja partyi raskrytykavali pahadnieńnie, zajaviŭšy, što jano daje SPC zanadta šmat pryvilejaŭ u paraŭnańni ź inšymi relihijnymi supolnaściami.
Drytan Abazavič uznačaliŭ urad Čarnahoryi ŭ krasaviku 2022 hoda, paśla taho jak byŭ abvieščany votum niedavieru papiaredniamu Kabinietu ministraŭ.
Paśla vychadu ź dziaržaŭnaha sajuza ź Sierbijaj u 2006 hodzie ŭ Čarnahoryi praciahvajuć isnavać roznahałośsi pamiž tymi, chto identyfikuje siabie jak čarnahorcaŭ, i tymi, chto vystupaŭ suprać niezaležnaści krainy.
Čarnahoryja ŭvachodzić u NATA z 2017 hoda i źjaŭlajecca kandydatam na ŭstupleńnie ŭ Jeŭrasajuz. A Sierbija sprabuje ŭzmacnić svoj upłyŭ u krainie, vykarystoŭvajučy ŭ tym liku Sierbskuju pravasłaŭnuju carkvu, jakaja ličycca samaj mahutnaj relihijnaj supolnaściu ŭ Čarnahoryi.
Premjer Drytan Abazavič — etničny ałbaniec, hetaja supolnaść u Čarnahoryi składaje kala 5% nasielnictva. Jamu ŭsiaho 36 hadoŭ, i jon byŭ adnym z najmaładziejšych kiraŭnikoŭ krain i ŭradaŭ va ŭsim śviecie. Na paru miesiacaŭ maładziejšymi za Abazaviča byli tolki prezident Čyli Habryel Boryč Font i staršynia Viarchoŭnaj palityčnaj rady Jemiena Machdzi Al-Mašat.
Hetym letam u Jeŭropie ab składańni svaich paŭnamoctvaŭ abviaścili ŭžo čatyry premjer-ministry: u Italii — Maryjo Drahi, u Vialikabrytanii — Borys Džonsan, u Bałharyi — Kirył Piatkoŭ, u Estonii — Kaja Kałas. Čarnahorski ŭrad staŭ piatym.
o, božuchna. navošta jana heta rabiła? navošta jana vyščypvała brovy? heta ž baluča. zato krasiva
niadaŭna tam niejki čeł niejkich čełaŭ pastralaŭ... "Mužčina otkrył ohoń po prochožim i policiejskim, kohda poślednije popytaliś uśmiriť jeho około Doma pravitielstva."
niespakojna i na tom etam maleńkam kłačke ziamli