Pavodle źviestak «Viciebskaj Viasny», u vinu Maciavinu pastavili toje, što jon «supraćpraŭna padrychtavaŭ i apublikavaŭ tekst ź niehatyŭnaj acenkaj Alaksandra Łukašenki, jaki ŭtrymlivaŭ nienarmatyŭnyja formy maŭleńnia», čym publična jaho abraziŭ.
Svoj učynak abvinavačany patłumačyŭ tym, što na momant napisańnia kamientaryja jon znachodziŭsia ŭ stanie «vybuchu niehatyŭnych emocyj».
12 žniŭnia sud Pieršamajskaha rajona Viciebska pryznaŭ Alaksieja Maciavina vinavatym u ździajśnieńni złačynstva pavodle art. 368, prysudziŭšy jamu ŭ jakaści pakarańnia 1,5 hoda kałonii z adbyćciom va ŭmovach ahulnaha režymu.
Abvinavačanamu 49 hadoŭ. Viadoma, što mužčyna naradziŭsia ŭ Rasii, ale ŭ svoj čas pierajechaŭ u Biełaruś. Skončyŭ Aršanskaje miedvučylišča, apošnija 15 hadoŭ pracavaŭ fielčaram u viciebskaj paliklinicy №7. Žanaty, maje 13-hadovaje dzicia. Zatrymali Maciavina 15 lipienia hetaha hoda.
