1. Šakaład
Usie pradukty z kakava ŭ składzie ŭtrymlivajuć teabramin. Heta chimičnaje rečyva, taksičnaje dla sabak. Navat nievialikaja jaho kolkaść moža vyklikać dyjareju, vanity i pačaščanaje mačaspuskańnie. U vialikich kolkaściach teabramin akazvaje stymulujučaje dziejańnie na centralnuju niervovuju sistemu, vyklikaje zvužeńnie sasudaŭ i ŭzmacniaje skaračalnaść škiletnych i sardečnych myšcaŭ. Sabaka robicca niespakojnym, praźmierna ŭzbudžanym, moža pačać dryžać i zadychacca. Bieź miedycynskaj dapamohi moža nastupić koma i cyjanoz. Šakaład sapraŭdy vielmi niebiaśpiečny dla našych hadavancaŭ. Jaho kateharyčna nielha davać.
U 100 h małočnaha šakaładu źmiaščajecca prykładna 150-220 mh teabraminu. Takaja ž kolkaść čornaha šakaładu ŭžo źmiaščaje kala 450-1600 mh.
Śmiarotnaja doza teabraminu dla sabaki składaje 90-250 mh na kh masy cieła.
2. Žujki i ledziašy
Usio tamu, što ŭ hetych praduktach utrymlivajecca ksilit — časty dadatak, jaki naturalnym čynam jość u mnohich vidach harodniny i sadaviny. Dla čałaviečaha arhanizma heta bolš karysnaja viersija cukru, adnak hety naturalny padsaładžalnik vielmi chutka ŭsmoktvajecca ŭ kroŭ sabaki, paśla čaho rezka pavyšajecca ŭzrovień cukru ŭ kryvi. U adkaz padstraŭnikavaja załoza pačynaje vypracoŭvać dastatkova vialikuju kolkaść insulinu. Panižany ŭzrovień cukru ŭ svaju čarhu vyklikaje niebiaśpiečnuju dla žyćcia žyvioły hipahlikiemiju.
Pieršyja simptomy atručvańnia ksilitam — vanity, jakija źjaŭlajucca praz 15-30 chvilin paśla pryjomu ježy. Hipahlikiemija raźvivajecca ciaham 48 hadzin paśla charčavańnia. Jana moža vyklikać raptoŭnuju apatyju i navat stratu prytomnaści. Žyviole patrebna jak maha chutčej akazać vieterynarnuju dapamohu. Na praciahu 72 hadzin pavinien być dahlad, kantrol ŭzroŭniu cukru i stanu piečani, jakaja moža być paškodžana praź dziejańnie taksinu.
Taksičnaja doza: 0,1 h na kh masy cieła.
3. Vinahrad i razynki
Da siońnia nie daśledavana, jakoje mienavita rečyva akazvaje taksičnaje dziejańnie na arhanizm sabaki, ale viadomyja vypadki surjoznych atručvańniaŭ paśla ŭžyvańnia vinahradu i razynak. Jak rečyva, jakoje škodzić sabakam, tak i doza, jakaja akazvaje taksičny efiekt, zastajucca zahadkaj. Fiksavalisia vypadki, u jakich źjadzieńnie niekalkich vinahradzin pryviało da takich simptomaŭ, jak vanity i dyjareja, smaha, padvyšanaje ślinavydzialeńnie, adsutnaść apietytu.
Samym niebiaśpiečnym nastupstvam ŭžyvańnia hetych pładoŭ źjaŭlajecca paražeńnie nyrak. Ź inšaha boku, zafiksavanyja vypadki, kali ŭ sabaki nie źjaŭlałasia nijakich simptomaŭ navat paśla taho, jak jon źjeŭ bolš za kiłahram hetaj sadaviny.
Taksičnaja doza: dla razynak 11,5 h na kh masy; dla vinahradu 30 h na kh masy.
4. Cybula i časnyk
Sa słoŭ našych babul, jany krynica zdaroŭja i leki ad prastudnych zachvorvańniaŭ, ale nie dla sabak! U cybuli ŭtrymlivajucca taksičnyja dla žyvioł fienoły i dysulfidy, jakija razburajuć erytracyty, što pryvodzić da aniemii. Časnyk robić toje ž samaje. Kali my hatujem sabie, to časta dadajom tudy hetuju harodninu, tamu varta pamiatać, što takaja ježa źjaŭlajucca atrutnaj dla sabak.
Kali ŭ pieršyja dni možna čakać vanity i dyjareju, to astatnija simptomy źjaŭlajucca navat praz tydzień. Heta pačaščanaje dychańnie, pačaščanaje sercabićcio, mlavaść, źmianieńnie koleru mačy, pažaŭcieńnie ślizistych abałonak.
Taksičnaja doza: 5 h na kh masy cieła.
5. Mindal
Časty dadatak da tartoŭ i desiertaŭ, a taksama karysny pierakus, jaki jašče raz nahladna pakazvaje, nakolki mietabalizm sabaki adroźnivajecca ad našaha. Mindal źmiaščaje amidzin. Adnym z praduktaŭ raspadu hetaha złučeńnia źjaŭlajecca cyjanisty vadarod — vielmi mocny taksin. Kali sabaka hłytaje mindal całkam, jon zvyčajna vyvodzicca z arhanizma ŭ niaźmiennym vyhladzie. Pry atručvańni cyjanistym vadarodam kisłarod nie zasvojvajecca kletkami arhanizma, i śmierć nadychodzić u vyniku tak zvanaj ŭnutranaj aśfiksii.
Śmiarotnaja doza: adzin horki mindal abo niekalki sałodkich mindalaŭ dla sabaki siaredniaha pamieru.
