«Miarkujecca ŭciahnuć u praces pravierki bolšuju kolkaść słužbovych asob mytni, a ŭ vypadku nieabchodnaści dla akazańnia im dapamohi buduć pryciahvacca supracoŭniki inšych dziaržustanoŭ», — paviedamiła viedamstva.
Asabliva staranna, jak adznačajecca, buduć praviarać tych, chto ŭžo rabiŭ sproby abyści sankcyi. Heta tyčycca adpraŭnikoŭ hruzaŭ, ich atrymalnikaŭ i, zrazumieła, samich pieravozčykaŭ. Dadzienyja katehoryi asob ciapier buduć u zonie vysokaj ryzyki.
Pa słovach Darusa Žvironasa, kiraŭnika mytnaj słužby Litvy, kolkaść sprobaŭ abyści ŭstanoŭlenyja ES abmiežavańni nie pamianšajecca, tamu viedamstvu davodzicca rabić dadatkovyja miery ŭździejańnia. Tak, z 1 sakavika 2022 hoda litoŭskim mytnikam bolš za 3000 razoŭ davodziłasia pieraryvać pracedury impartu, ekspartu abo tranzitu hruzaŭ z-za roznych parušeńniaŭ.
Za hety pieryjad času zvyš 1200 furaŭ ź Biełarusi i Rasii nie ŭpuścili na terytoryju Jeŭrasajuza.
