Praz paŭhoda vajny va Ukrainie amierykanskija kampanii, u tym liku fiederalnyja padradčyki, praciahvajuć kuplać u bujnych rasijskich karparacyj usio, ad padłoh ź biarozavaj draŭniny da tytana dla zbroi. Marskija kantejniery składajucca razam u porcie Bałtymora. 12 žniŭnia 2022 hoda. Fota: AP / Julio Cortez
Pa padlikach ahienctva, z kanca lutaha z Rasii ŭ ZŠA pastupili bolš za 3600 partyj dreva, mietałaŭ, humy i inšych tavaraŭ. Heta amal udvaja mienš, kali paraŭnać z anałahičnym pieryjadam 2021 hoda (kala 6000 pastavak), ale ŭsio adno šmat.
Siarod najbujniejšych tavarnych pazicyj u rasijskim imparcie ZŠA — dreva (1294 partyj), mietały (909 partyj), pradukty charčavańnia (341), nafta i haz (209), huma (179), uhnajeńni (102), zapčastki (67) i radyjeaktyŭnyja materyjały dy amunicyja (pa 47).
Jak tłumačyć kiraŭnik Ofisa pa kaardynacyi sankcyj Dziaržaŭnaha departamienta ZŠA Džym O'Brajen, całkam zabłakavać handal z Rasijaj niemahčyma, pakolki heta moža niehatyŭna paŭpłyvać na suśvietny handal. Akramia taho, u niekatorych vypadkach takija sankcyi bolš škodzili b ZŠA, čym Rasii.
Jašče adna z pryčyn, na jakuju źviartaje ŭvahu vydańnie, — supiarečnaść z sankcyjami Vialikabrytanii i Jeŭrasajuza, u vyniku čaho ŭźnikaje błytanina, bo hetyja krainy i ZŠA publikujuć asobnyja sankcyjnyja śpisy. U vyniku jak minimum adna rasijskaja kampanija, jakaja pastaŭlaje mietał rasijskaj abaronnaj pramysłovaści, da hetaha času handluje z amierykanskimi i jeŭrapiejskimi firmami.
Niekatoryja rasijskija tavary administracyja Džo Bajdena nie tolki nie płanuje zabaraniać, ale i zaachvočvaje kuplać — havorka idzie pierš za ŭsio pra chimičnyja ŭhnajeńni, jakich z pačatku ŭvarvańnia RF va Ukrainu prybyło bolš za 100 partyj.
Enierharesursy z Rasii ŭ ZŠA da hetaha času pastaŭlajucca z-za taho, što niekatorym kampanijam dazvolili zaviaršyć dziejnyja kantrakty, pierš čym admaŭlacca ad rasijskich enierhanośbitaŭ.
A ŭ niekatorych vypadkach mytnym orhanam ZŠA prosta ciažka vyznačyć krainu pachodžańnia tavaru. Naprykład, amierykanskija kampanii praciahvajuć impartavać naftu z Kazachstana praz rasijskija party, navat kali jana źmiašanaja z rasijskaj.
U toj ža čas mnohija amierykanskija kampanii, adznačaje AR, vyrašajuć sami admaŭlacca ad rasijskich tavaraŭ. Ahienctva adznačaje, što, ułasna kažučy, dvuchbakovy handal ZŠA i Rasii nikoli nie byŭ vialikim, tamu bolšy ŭpłyŭ majuć ekspartnyja zabarony Štataŭ, pierš za ŭsio technałahičnyja, a taksama zamarožvańnie aktyvaŭ rasijskaha Centrabanka na Zachadzie.
Hłavnoje nie to, čto postavlajet Rośsija na vniešnije rynki, a to, čto nie postavlajut (dołžny nie postavlať) v Rośsiju. A eto tiechnołohii. Rośsija dołžna stať isklučitielno syŕjevym pridatkom i podielena mieždu Zapadom i Kitajem na połnoje razhrablenije.