Usie fota: SOLENT NEWS
Zdareńnie adbyłosia ŭ aŭtorak u haradku Istli, što znachodzicca ŭ brytanskim hrafstvie Chempšyr. 62-hadovaja Džeńni Uorvik, jakaja žyvie ŭ tym rajonie, zaŭvažyła ŭ 5-30 ranicy, što pa dachu doma praz darohu paŭzie piton i što žychary doma sprabujuć adahnać źmiaju z dapamohaj vienikaŭ, piša The Times.
Žančyna spačatku padumała, što bačyć prosta vializnuju płastykavuju trubu, ale potym jaje kaniec pačaŭ ruchacca. Kali žychary doma zdoleli vyhnać źmiaju z pakoja, piton ź vialikim šumam trapiŭ na kapot mašyny la doma, čym duža pierapužaŭ minakoŭ.
Miascovyja žychary raźjušylisia praz toje, što niechta ź ich susiedziaŭ moh trymać doma takuju reptyliju i nie zdoleŭ jaje prakantralavać. Jany nakiravalisia da žančyny, jakaja raniej trymała doma źmiej, bo paličyli, što piton moh naležać joj. Nasamreč źmiaja była nie jaje, ale žančyna dazvoliła časova patrymać pitona ŭ svajoj aranžarei, pakul jaho nie zabraŭ haspadar — mužčyna, što žyvie niedaloka.
Brytanka patłumačyła, što ciomny tyhravy piton — vielmi niebiaśpiečnaja i duža vialikaja źmiaja, i kali źmiei hałodnyja, jany mohuć vieści siabie vielmi niebiaśpiečna. Na ščaście, ŭ domie, kudy zapoŭz piton, nie było dziciaci, bo inakš jaho žyćcio akazałasia b pad pahrozaj.
Ivi Batan, ekśpiertka Karaleŭskaha tavarystva pa praduchileńni žorstkaha abychodžańnia z žyviołami, tłumačyć, što źmiei cudoŭna ŭmiejuć źbiahać z zamknionych prastor, i dla hetaha im chopić samych maleńkich dźviercaŭ ci niedastatkova ščylnaj pieraharodki. Najbolš aktyŭna źmiei źbiahajuć letam, tamu ekśpierty rajać pilna sačyć za svaimi hadavancami ŭ hety čas i nie škadavać hrošaj na teraryumy, jakija ščylna začyniajucca.
Jak lehalna kupić dzikabraza ci impieratarskaha ŭdava ŭ Minsku? Raskazvajem
Inžynier stvaryŭ ekzaškilet dla źmiai, kab u jaje byli łapki
Aściarožna, źmiei! Dzie ciapier možna sutyknucca z hadami
