Pa padlikach HUR, u Rasii zastałosia nie bolš za 45% ad tych rakiet, jakija byli da pačatku vajny. Asabliva składanaja situacyja z «Iskanderami». Ich zastałosia prykładna 20% ad toj kolkaści, jakaja była.
Skibicki śćviardžaje, što składanaja situacyja i z «Kalibrami». Tamu Rasija i vykarystoŭvaje zamiest ich rakiety X-22 i S-300 u naziemnym varyjancie. Ale i ich zapasy vyčerpvajucca.
«Vysokadakładnaja zbroja ŭ ich užo na miažy. Pa ŭsich narmatyŭnych dakumientach jany pavinny mieć 30 pracentaŭ reziervu, a jaho pa niekatorych vidach rakiet užo amal niama. Naprykład, pa tych ža «Iskanderach». Tamu jany buduć vykarystoŭvać inšyja srodki paražeńnia. Jany ciapier aktyŭna vykarystoŭvajuć «Urahan», «Śmierč» — heta toje, što dazvalaje ažyćciaŭlać abstreł na karotkaj dystancyi, na 70-80, maksimum da 100 kiłamietraŭ», — skazaŭ Skibicki.
Hetymi sistemami Rasija abstrelvaje Mikałajeŭ, Zaparožskuju vobłaść, Charkaŭ. Jak miarkujuć u HUR, hetymi sistemami sprabujuć razburyć infrastrukturu, abjekty ciepłasietki, bajavyja paradki i akazvać psichałahičny cisk na cyvilnaje nasielnictva.
Što tyčycca hipierhukavych rakietnych kompleksaŭ «Kinžał», to ich, pa słovach Skibickaha, u Rasii mała — 30-40 štuk. Heta tyja ŭzory, jakija pieršymi pastupili na ŭzbrajeńnie. Rasija ich vykarystoŭvaje, na dumku pradstaŭnika HUR, dla demanstracyi siły jak dla Ukrainy, tak i dla jaje partnioraŭ, u tym liku dla ZŠA i Kitaja.
