Bulbu možna znajści ad 1 rubla za kh, cana na ahurki pačynajecca ad 1,5. Siaredniaja cana za kiło pamidoraŭ -1,5 rubla.
Kiłahram kukuruzy abydziecca ŭ 2—2,5 rubla, a voś za piercy daviadziecca addać u dva razy daražej — 4 rubli. Zielanina jość u niekalkich handlovych kropkach — ad 1 rubla za pučok.
Dla amataraŭ jahad na Kamaroŭcy — raj. Tak, durnicy možna nabyć za 10—14 rubloŭ za kh, čornuju parečku addajuć za 10, a višniu i čarešniu možna znajści ad 6. U niekalkich kropkach jašče majecca truskaŭka. Pradajuć jaje ad 6 rubloŭ za kiło. Vinahrada na rynku stała bolš, a košt — ad 4 rubloŭ za kh.
Zjavilisia na Kamaroŭcy bruśnicy, za kiłahram jahady ŭ siarednim daviadziecca zapłacić 7,5 rubla, ale ŭ adnoj kropcy jana była znojdziena za 6. Šklanačku maliny ci ažyny možna nabyć za 4—5 rubloŭ.
Košt na kavuny pačynajecca ad 2 rubloŭ. Hetuju jahadu vam nie daviadziecca nieści samim, pradaŭcy jaje dastaviać da vašaj mašyny. Dyni taksama možna znajści na rynku. Ceńnik na ich i nie samy sałodki — ad 3,5 rubla.
Užo ŭ razhary jabłyčny siezon. Cana — ad 1,5 rubla za kh. Tut asartymient, jak i z pamidorami. Tyja, chto choča ŭspomnić dziacinstva i atrymać asałodu ad ćviordych chatnich hrušaŭ, mohuć kupić ich na Kamaroŭskim rynku ŭsiaho za 2—3 rubli.
Dla amataraŭ vareńnia zjaviłasia prapanova: drobnyja i ŭžo nietavarnyja abrykosy možna nabyć ad 1 rubla za kiło. Dobryja abrykosy kaštujuć ad 4 rubloŭ za kiło. Piersiki i niektaryny taksama ŭ bahaćci. Koštavy dyjapazon vialiki — ad 4 rubloŭ za kh da 12.
Inžyr pradajuć paštučna pa 1,5 rubla, a za kiłahram apielsinaŭ prosiać 4,5 rubla.
Hryboŭ na rynku zastałosia ŭsiaho ničoha. Apošnija lisički addajuć pa 30 rubloŭ za kh.
— Chutčej za ŭsio, heta była apošniaja partyja lisičak. Nadvorje zusim nie hrybnoje. Jašče i lasy zakrytyja dla naviedvańnia. Zastajecca tolki čakać vosień i daždžy, moža, choć baraviki buduć, — padzialiłasia adna z pradaŭcoŭ.
