Fota: Delfi

Fota: Delfi

«Adna sprava — pryvieści mihrantaŭ da miažy i vypchnuć ich, inšaja — toje, što my nazirajem prosta ciapier, — heta razbureńnie aharodžy», — zajaviŭ u aŭtorak navinnaj radyjostancyi Ziniu radijas daradca Hitanasa Naŭsiedy. Pavodle jaho słoŭ, takaja situacyja stavić Litvu ŭ «vielmi niebiaśpiečnuju zonu», pakolki biełaruskich słužbovych asob adpraŭlajuć u inšuju krainu dla psavańnia fizičnaj majomaści i srodkaŭ abarony.

«My akazalisia na vielmi tonkaj i niebiaśpiečnaj miažy, jak my budziem kvalifikavać takija dziejańni (…). Heta jak minimum pravakacyja», — skazaŭ Budrys.

U kancy minułaha tydnia na miažy ź Biełaruśsiu zaviaršyłasia budaŭnictva płota z kalučym drotam. Ustanavić aharodžu na miažy było vyrašana paśla letašniaha napłyvu nielehalnych mihrantaŭ z boku Biełarusi, jaki Litva nazyvaje hibrydnaj atakaj minskaha režymu. Choć na pačatku hoda patok mihrantaŭ źmienšyŭsia, u apošni čas kolkaść zamiežnikaŭ, jakija sprabujuć pierasiekčy litoŭskuju miažu nielehalna, znoŭ vyrasła.

Pa słovach kiraŭnika Słužby achovy dziaržmiažy Litvy Rustama Lubajeva, pačaścilisia i sproby paškodzić aharodžu, čamu taksama spryjajuć uzbrojenyja i apranutyja ŭ formu biełaruskija pamiežniki.

Choć sama aharodža znachodzicca na terytoryi Litvy, zatrymać asob, jakija paškodzili jaje, pakul nie ŭdałosia.

Клас
0
Панылы сорам
1
Ха-ха
1
Ого
0
Сумна
1
Абуральна
27