Fota: BiełTA

Fota: BiełTA

Pavodle źmienienych pravił, u budučyni pry vydačy vizy abo dazvołu na žycharstva hramadzianie Rasii i Biełarusi pavinny buduć prachodzić dadatkovuju pravierku, kab acanić, ci nie składzie ŭjezd inšaziemca pahrozy nacyjanalnaj biaśpieki abo hramadskamu paradku.

Jaki mienavita charaktar hetaja dadatkovaja pravierka budzie nasić, nie ŭdakładniajecca. Ale raniej padobnaja pracedura prymianiałasia dla hramadzian Rasii, jakija pachodzili z Dahiestana, Čačni, Inhušecii i Paŭnočnaj Asiecii.

U śpis krain, čyje hramadzianie pavinny prachodzić dadatkovyja pravierki, akramia Rasii i Biełarusi ŭnieśli taksama afrykanski Kamierun. U apošnija hady ŭ Łatvii pavialičyłasia kolkaść zajavak ad kamieruncaŭ na doŭhaterminovyja vizy, i mienavita im ich časta nie vydajuć, bo ichnija dakumienty padroblenyja.

U MUS Łatvii adznačyli, što ŭ suviazi z vajennaj ahresijaj Rasii va Ukrainie z 25 lutaha hetaha hoda łatvijskija dyppradstaŭnictvy za miažoj spynili pryjom zajavak na vydaču viz ad hramadzian Rasiei na niapeŭny čas. Vizy vydajucca tolki ŭ vyklučnych vypadkach, kali heta źviazana z humanitarnymi pryčynami, a taksama členam siemjaŭ hramadzian ES u vypadku ciažkaj chvaroby abo śmierci svajakoŭ. Takaja ž madel prymianiajecca ŭ Estonii, Litvie, Polščy i Čechii.

Клас
4
Панылы сорам
4
Ха-ха
1
Ого
1
Сумна
3
Абуральна
2