Stvorany Śviatłanaj Cichanoŭskaj 9 žniŭnia Abjadnany pierachodny kabiniet pryznany ekstremisckim farmavańniem. Pastanovu ab hetym pryniaŭ KDB 30 žniŭnia. 5 vieraśnia Kabiniet byŭ uklučany ŭ adpaviedny pieralik.
«Hrupa hramadzian, jakija źjaŭlajucca kiraŭnikami, stvaralnikami i ŭdzielnikami inicyjatyvy «Abjadnany pierachodny kabiniet», ažyćciaŭlaje ekstremisckuju dziejnaść», — skazana ŭ adpaviednym śpisie na sajcie MUS.
Ab stvareńni Abjadnanaha pierachodnaha kabinieta — «kalektyŭnaha vykanaŭčaha orhana» — Śviatłana Cichanoŭskaja abviaściła 9 žniŭnia na kanfierencyi «Novaja Biełaruś». U kabiniet uvajšli Valeryj Kavaleŭski, Pavieł Łatuška, Alaksandr Azaraŭ i Valeryj Sachaščyk.
Z 7 vieraśnia jaho pryjarytetnaj zadačaj taksama abvieščanyja adnaŭleńnie i abarona suvierenitetu Biełarusi — pra heta havorycca ŭ pieršaj z pačatku pracy pastanovie Kabinieta, vydadzienaj u hety dzień.
