Fota: Ofis Cichanoŭskaj
Cichanoŭskaja padziakavała Arastoviču za padtrymku biełarusaŭ. U adkaz jon skazaŭ, što «pamyłkaj budzie pradstaŭlać biełarusaŭ ludźmi, nie zdolnymi na supraciŭ». Padčas razmovy Arastovič adznačyŭ, što dobra razumieje situacyju ŭ Biełarusi, i vyłučyŭ rolu padpolnaha supracivu. Jon taksama padkreśliŭ, što ŭkraincy nie staviać znak roŭnaści pamiž dziejańniami Łukašenki i biełarusaŭ.
Alaksiej Arastovič zapeŭniŭ Śviatłanu Cichanoŭskuju, što nivodzin ukrainski snarad nie ŭpadzie na biełaruskuju terytoryju.
Palityki abmierkavali rolu pradstaŭnika pa spravach biełarusaŭ va Ukrainie, jaki budzie abaraniać intaresy biełarusaŭ va ŭradzie, i sinchranizacyju paviestki dźviuch krain, kab svabodnaja Ukraina i demakratyčnaja Biełaruś havaryli ŭ adzin hołas, havorycca ŭ paviedamleńni pres-słužby Śviatłany Cichanoŭskaj.
