Biełaruski brendynh u vjetnamskaj kaŭbasy źjaviŭsia dziakujučy Alesiu Asotu, «hramadskamu dyzajnieru», jak jon sam siabie nazyvaje. Asnoŭnaja ideja ŭsich rabot chłopca — pašyreńnie biełaruskaj movy, historyi i kultury praz dyzajn.
Pa dapamohu da dyzajniera źviarnuŭsia Dzima Ivanoŭ, muzyka ź biełaruskaha hurta «Adys Abieba», jaki razam sa svaim ukrainskim siabram Michaiłam robić u Chanoi hand made — kaŭbasy i miasa. Ukrainiec pa paklikańni taksama muzykant, ale pa adukacyi technołah, tamu tearetyčnyja viedy ab tym, jak i što rabić, u jaho jość.
Da niadaŭniaha času ŭ miasnych vyrabaŭ nie było ni nazvy, ni łahatypa. Usio vyhladała vielmi pa-chatniamu, takim, jak i pazicyjanuje siabie brend
Niejak svaimi praduktami Michaił častavaŭ siabroŭ i znajomych. Usim padabałasia nastolki, što ŭ dvary zdymnaha doma chłopiec zrabiŭ nievialikuju viandlarniu i vyrašyŭ pasprabavać pradavać svaje vyraby. Pastaŭlaŭ miasa spačatku znajomym, potym vyrašyŭ supracoŭničać ź miascovymi barami i łakalnymi kramami.
«Chłopcy vyrašyli ŭsiu svaju vytvorčaść zapravić dobrym źniešnim vyhladam, tamu paprasili mianie dapamahčy. Ja kožny taki šaniec vykarystoŭvaju na karyść Biełarusi. Vynikam staŭ taki dyzajn», — kamientuje Aleś.
Na etykietcy jość nadpisy na ŭkrainskaj i biełaruskaj movach. Jany adsyłajuć da pachodžańnia ŭładalnikaŭ miasnoha brenda. Pa słovach Alesia, niešta ŭ dyzajnie zaŭsiody pavinna być źviazana ź Biełaruśsiu: niachaj heta budzie słova, abrazok abo ŭsia ideja ŭ cełym
Čytajcie taksama:
Jak prajšło adkryćcio vystavy «Vosieński sałon» u Minsku
«Kali vy nie hatovyja bačyć pary, jakija zajmajucca seksam u pustyni, — heta nie dla vas». Minčanka — pra lehiendarny fiestyval Burning Man u ZŠA
