Pavodle dakumienta, finansavy siektar Rasiei panios sotni miljardaŭ dalaraŭ «pramych strataŭ» ad šyrokich sankcyj, uviedzienych ZŠA i chaŭruśnikami. Acenka, jakaja ŭklučaje značnyja ŭdary pa fondavamu rynku, bankaŭskamu kapitału, a taksama 300 miljardaŭ dalaraŭ valutnych reziervaŭ, zamarožanych sankcyjami, była ŭklučanaja ŭ prezientacyju dla narady top-čynoŭnikaŭ Rasii ŭ minułym miesiacy.
Rasija acaniła, što ŭ vyniku sankcyj straciła:
- 40% rynkavaj kapitalizacyi;
- 300 młrd dalaraŭ reziervaŭ Centrabanka RF;
- 4,6 trłn rubleŭ u vyhladzie zamarožanych jeŭrabondaŭ;
- 10% kapitału bankaŭskaj sistemy;
- 563 młrd rubleŭ zamarožanych roźničnych aktyvaŭ, a taksama aktyvaŭ, jakija znachodziacca ŭ depazitaryjach.
Akramia taho, u prezientacyi adznačajecca ŭpłyŭ ad traplańnia pad sankcyi 80% aktyvaŭ bankaŭskaha siektara, adklučeńnie ad mižnarodnaj apłatnaj sistemy Swift i strata dostupu da klučavoha abstalavańnia i prahramnaha zabieśpiačeńnia.
Adznačajecca, što instrumienty, u pryvatnaści deryvatyvy, chedžavańnie, jeŭraablihacyi i pieršasnyja publičnyja prapanovy, «praktyčna źnikli».
U spravazdačy, praŭda, nie pryviedziena ahulnaj acenki ŭdaru ad sankcyj. Zamiest hetaha jaje stvaralniki zasiarodžvajucca na finansavaj sistemie i nie razhladajuć upłyvu na ekanomiku ŭ cełym.
