Alaksandr Łukašenka ad pačatku pandemii kavidu admaŭlaŭ niebiaśpiečnaść hetaj chvaroby i tarpiedavaŭ sproby biełaruskich miedykaŭ uvieści masačny režym.
Kavid u Biełarusi zabraŭ dziasiatki tysiač žyćciaŭ. Pa «lišniaj śmiarotnaści» za 2020—2021 hady Biełaruś maje adzin z najhoršych pakazčykaŭ u śviecie.
Kavidnaja palityka Kitaja była zusim inšaja — vyklučna strohaja.
U vyniku na sustrečy ź Si Czińpinam Alaksandr Łukašenka zrabiŭ toje, čaho nikoli nie rabiŭ u Biełarusi — nadzieŭ reśpiratar. Ën musiŭ siabie pierałamać, kab na takoje pajści. Navat pry naviedvańni miedycynskich ustanoŭ jon na prośbu lekaraŭ časam nadziavaŭ masku, ale rabiŭ heta demanstratyŭna niapravilna, čysta farmalna.
Pres-słužba Łukašenki pasprabavała žartavać, «što Pinieviču nie ŭdavałasia, ale Si zmoh». Ale pa fakcie Alaksandr Łukašenka musiŭ pryniać čužyja praviły hulni.
