Prezident Rasii Uładzimir Pucin čakaje sustrečy z prezidentam Kyrhyzstana Sadyram Žaparavym u kułuarach samita Šanchajskaj arhanizacyi supracoŭnictva (ŠAS) u Samarkandzie,15 vieraśnia 2022 h. Fota: Kremlin Pool Photo via AP

Prezident Rasii Uładzimir Pucin čakaje sustrečy z prezidentam Kyrhyzstana Sadyram Žaparavym u kułuarach samita Šanchajskaj arhanizacyi supracoŭnictva (ŠAS) u Samarkandzie,15 vieraśnia 2022 h. Fota: Kremlin Pool Photo via AP

U čaćvier Pucin pavinien byŭ sustrecca z prezidentam Kyrhyzstana Sadyram Žaparavym. Zapłanavanaja sustreča adbyłasia, ale jaje chod, a dakładniej pačatak, napeŭna, staŭ vialikaj niečakanaściu dla Uładzimira Pucina. Jak i davoli ścipły pryjom u aeraporcie.

Uładzimir Pucin viadomy tym, što šmat hadoŭ spaźniaŭsia na pieramovy z zamiežnymi lidarami i važnymi asobami z usiaho śvietu. Prezidenta Rasii čakali, u tym liku, Barak Abama, Anhieła Mierkiel, Papa Francišak (trojčy) i navat karaleva Lizavieta II.

Adnak śpis zatrymak Pucina našmat daŭžejšy, i, pa słovach palitołaha Dźmitryja Abramava, jon rabiŭ heta naŭmysna, kab «pakazać, što jon zajmaje takoje miesca ŭ suśvietnaj palitycy, jak cary ŭ pieryjad roskvitu impieryi».

Adnak apošnim časam my nazirajem advarotnuju źjavu. U lipieni hetaha hoda prezident Turcyi Redžep Taip Erdahan prymusiŭ rasijskaha lidara čakać siabie pierad kamierami i fotakarespandentami.

Hetym razam na padobny krok vyrašyŭsia Sadyr Žaparaŭ, jaki padyšoŭ da rasijskaha prezidenta praź niazručnyja 30 siekund. Tym časam Pucin niervova hladzieŭ na kamieru, niešta pakłaŭ na stoł, pahladzieŭ svaje zapisy.

Choć Kyrhyzstan i ličycca satelitam Rasii, niadaŭna Biškiek kupiŭ «Bajraktary» — pakazčyk zbližeńnia z Turcyjaj. Kirhizy, jak i turki, havorać na movie ciurkskaj siamji.

Padčas samitu ŠAS, jaki prachodzić va Uźbiekistanie, Pucin taksama sustreniecca z kiraŭnikami Irana, Pakistana, Azierbajdžana, Turcyi, Indyi, Turkmienistana i Uźbiekistana, paviedamlaje Reuters.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?