Fota: AP

Fota: AP

Svajaki traich vajskoŭcaŭ, pryzvanych viasnoj na słužbu ŭ 1-y hvardziejski motastrałkovy połk Tamanskaj dyvizii, paviedamili, što sałdat rychtujucca pierakinuć na miažu z Ukrainaj u Biełharadskuju vobłaść «dla abarony dziaržaŭnaj miažy», a kamandavańnie častki ciśnie na ich, patrabujučy ad sałdat terminovaj słužby padpisać kantrakty. Siońnia Vałujki trapili pad abstreł, adzin miascovy žychar zahinuŭ, dvoje paranienyja.

Maci traich vajskoŭcaŭ, jakija pastupili na słužbu ŭ 1-y hvardziejski motastrałkovy połk u padmaskoŭnym Nara-Faminsku, raspaviali, što ŭsio leta, pakul sałdaty prachodzili vučebku, dzie navabrancaŭ rychtavali da słužby, u čaści naohuł nie było aficeraŭ, a kamandavali navabrancami vajskoŭcy starejšaha pryzyvu.

Ale ŭ pačatku vieraśnia aficery ŭ čaści źjavilisia: «Major Nikicin i lejtenant Viałych paviedamili, što ŭ bližejšyja dni jany adpraŭlajucca ŭ Biełharodskuju vobłaść, u Vałujki, na miažu z Ukrainaj, heta ŭsiaho za 50 kiłamietraŭ ad Iziuma, jaki na dniach byŭ zaniaty ŭkrainskaj armijaj», — raspaviała maci adnaho z vajskoŭcaŭ.

Sa słoŭ blizkich vajskoŭcaŭ, u pačatku rasijskaha ŭvarvańnia va Ukrainu ŭ hetym pałku byli zahinułyja siarod terminovaj słužby, zatym ich vyvieli na terytoryju Rasii, ale nie viarnuli ŭ Padmaskoŭje da miesca pastajannaj dysłakacyi častki, a pakinuli terminovaj słužby 1-ha hvardziejskaha motastrałkovaha pałka ŭ Vałujkach.

Siastra adnaho z vajskoŭcaŭ, jaki praciahvaje znachodzicca tam dahetul, tłumačyć ciapierašni ruch u častcy ratacyjaj: «Novy pryzyŭ jedzie mianiać tych, u kaho ŭ kastryčniku dembiel. My sprabavali cisnuć na kamandavańnie častki, kab chacia b sałdat terminovaj słužby viarnuli adtul da miesca pastajannaj słužby ŭ Padmaskoŭi, ale damahčysia ničoha nie zmahli: farmalna jany znachodziacca na terytoryi Rasii, miažu nie pierasiakajuć, a značyć nie ŭdzielničajuć u bajavych dziejańniach».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?