Špakoŭski źmianiŭ ton
Palityčny kamientatar Alaksandr Špakoŭski zahavaryŭ zusim inšym tonam adnosna rasijska-ŭkrainskaj vajny. U efiry ŭ Azaronka jon tłumačyŭ, čamu rasijskaja armija sutykajecca ź ciažkaściami.
«Usio ich (ukraincaŭ — zaŭv. NN) apieratyŭnaje mastactva zvodzicca da niedachopaŭ, na moj pohlad, płanavańnia SVA (vajny — zaŭv. NN), da niedachopu asabistaha składu ŭ zonie SVA, na linii bajavoha sudakranańnia, što nie dazvalaje rasijskaj armii manieŭravać reziervami.
Ale i ŭ pieršy dzień śpiecapieracyi stała zrazumieła, kali byŭ vysadžany desant pad Hastomiel, kali rušyli rasijskija vojski pa roznych kirunkach, što ŭkrainskaja armija akazvaje arhanizavany supraciŭ, zdolnaja da kontrnastupalnych dziejańniaŭ. U pryncypie, ja heta i skazaŭ», — zajaŭlaje Špakoŭski ŭ efiry za 14 vieraśnia.
«Ja nie padzialaŭ tych šapkazakidalnickich nastrojaŭ, jakija byli ŭ asobnych rasijskich ekśpiertaŭ. Čas pakazaŭ, što ja mieŭ racyju», — kaža jon.
A ciapier paraŭnajcie z tym, što Špakoŭski pisaŭ u svaim telehram-kanale ŭ pieršyja dni vajny.
Łukašenka heta novy Vitaŭt
Inšy prapahandyst, Jaŭhien Pustavoj, zahavaryŭ pra histaryčnuju spadčynu Vialikaha Kniastva Litoŭskaha, ale ŭ vielmi śpiecyfičnaj maniery.
«Adzinstva. Chto nie dapietryŭ — Biełaruś stała toj, jakaja pavinna była być. Stała saboj. Hetaja data abjadnała ŭsiu bol i nadziei našaj historyi. Ad padzielenych vohniščaŭ plamionaŭ spačatku našy prodki źbiralisia ŭ centry kniastvaŭ — Połackaha i Turaŭskaha. Zatym u vielmi vialikaje — Vialikaje Kniastva.
Utapisty vieličy Jeŭropy nie zmahli našu historyju ŭtaptać pad Hrunvaldam. Zatoje padchalimažam i podkupami tahačasnaj elity, hrašyma i šlachieckimi volnaściami takuju krainu zahubili. Jašče raz, karupcyja i dekłaravańnie svabod, jak tam, na Zachadzie, i łozunhi pieramienaŭ. Ničoha nie nahadvaje?» — kaža prapahandyst.
Varta nahadać, što šlachieckija volnaści byli charakternyja mienavita dla Rečy Paspalitaj. Jany nie byli niejkim zachodnim upłyvam. Naadvarot, u časy Rečy Paspalitaj u Jeŭropie kvitnieŭ absalutyzm.
«Vykanaŭca palityčnaha zabojstva našaha suvierenitetu praz paŭtysiačahodździa tak i nie pamianiaŭsia — Varšava. Praŭda, i ciapier jana — vasał jašče bolšaha hiehiemona. Zaakijanskaha monstra. Levijafana.
I viedajecie, naš prezident Łukašenka i jaho viertykal vystajali.
Tak što tyja, chto zachaplajecca Vitaŭtam, zachaplajciesia, tolki na čatyry pamnožcie i jašče bolš zachaplajciesia ciapierašnim lidaram. Jamu daviałosia strymać cełuju ružu viatroŭ razruchi», — kaža prapahandyst.
Iznoŭ pra śmiardziučuju Jeŭropu
Prapahandysty pa miery nabližeńnia chaładoŭ praciahvajuć raskručvać temu enierhietyčnaha kryzisu ŭ Jeŭropie. Maŭlaŭ, Jeŭropa budzie haładać, źmierźnie, spynić svaju pramysłovaść, a adziny šaniec joj uratavacca — prypaŭźci na kaleniach da Biełarusi i Rasii, paprasić prabačeńnia, i praciahvać kuplać rasijski haz i biełaruskija pielety.
Prapahandystaŭ radujuć lubyja składanaści Jeŭropy.
Dalej za inšych pajšoŭ Marat Markaŭ: dla Jeŭropy heta zvyčajnaja reč — nie mycca i śmiardzieć.
«Dla ich [jeŭrapiejcaŭ] histaryčna nie mycca — heta zvyčajna. Heta ŭ nas byli dobryja ruskija łaźni», — kaža kiraŭnik telekanała ANT Marat Markaŭ.
Pa-pieršaje, u kaho heta «ŭ vas»? Markaŭ rodam z Łuninca, tam nijakich łaźniaŭ nie było. Etnahrafičny rehijon raspaŭsiužvańnia łaźniaŭ — heta tam dzie žyli kryvičy, ad Minska da Naŭharodskaj ziamli. A voś pad Maskvoju — łaźniaŭ nie viedali, jak i na Paleśsi. Tut ludzi mylisia prosta na kuchniach.
Ale ŭstanoŭka jość ustanoŭka, jana taja samaja dla ANT i BT.
«Novaja narmalnaść Jeŭropy — heta dobra zabytaja staraja. Nie tak užo daŭno, pa mierkach suśvietnaj historyi, u Jeŭropie vulicy patanali ŭ brudzie. I kab haradžanie mahli spakojna pierasoŭvacca pa hrazi i nie vypackacca, vynajšli abcasy. Nu i parfumu, stamiŭšysia ad smurodu. Cikava, kolki pryjdzie novych vynachodak paśla chałodnaj zimy 2022-ha?» — kuražycca viadučaja BT Maryja Piatraška.
Viadoma, łaźni isnavali i ŭ Jeŭropie, i ludzi imi masava karystalisia, u tym liku ŭ Siaredniavieččy. Pry pierachodzie ź Siaredniaviečča ŭ Novy čas intensiŭnaść pachodaŭ u łaźniu ŭ Jeŭropie źmienšyłasia. Heta było źviazana z pamyłkovaj teoryjaj daktaroŭ, što łaźni spryjajuć raspaŭsiudžańniu čumy. Ale całkam hetaja zvyčka, viadoma, nie źnikła.
Novyja Aneny ci Bierlin?
«Žychary Małdovy zabłakavali vielizarnuju kałonu nataŭskaj techniki. Narodny patrul staŭ na šlachu vajskoŭcaŭ NATA kala horada Novyja Aneny», — radasna paviedamlaje BT.
Ale ilustracyja da naviny vyhladaje dziŭnaj. Čatyrochpałosnyja praśpiekty, 20-paviarchoviki i mašyny z nadpisam Polizei u małdaŭskim miastečku? Pa viersii BT tak vyhladajuć Novyja Anieny ŭ Małdovie?
