«U vieraśni minułaha hoda, pryjšoŭšy dadomu, ja staŭ skardzicca. Jak ža ja stamiŭsia… Jak mnie ŭsio nadakučyła… Jak ja chaču adpačynku… Prosta ničoha nie rabić, siadzieć i čytać knihi… Pravilna farmulujcie svaje žadańni!» — napisaŭ radyjoviadučy z namiokam pra toje, jak i dzie pravodziŭ čas.

Alaksieja zatrymali ŭ śniežni 2021 hoda, a ŭ sakaviku asudzili na adzin hod pazbaŭleńnia voli. Pakolki termin znachodžańnia ŭ SIZA zaličvajecca jak adzin dzień za paŭtara, mužčynu adpuścili raniej, čym praz hod.

Nahadajem, jaho abvinavacili pavodle art. 342 Kryminalnaha kodeksa (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich). Pavodle abvinavačańnia, Alaksiej Kruhlak, znachodziačysia na pracoŭnym miescy na homielskim telebačańni, sa svajho telefonu ŭ prafiesijnym zakrytym čacie 12 žniŭnia 2020 hoda dasłaŭ niekalki paviedamleńniaŭ, jakija tyčylisia palityčnaj situacyi ŭ krainie paśla vybaraŭ. Jon ubačyŭ hvałt i ahresiju, jakija byli ŭ Minsku i inšych haradach krainy nad mirnymi žycharami, što vykazvali svajo staŭleńnie da falsifikacyi vybaraŭ.

Kryminalnuju spravu zaviali tolki praz hod, vosieńniu 2021 hoda, kali HUBAZiK atrymaŭ dostup da čata. Alaksiej da taho času pra hetyja paviedamleńni zabyŭsia i svoječasova ich nie vydaliŭ. Paśla apublikavańnia jon spałochaŭsia, zapisaŭ i vykłaŭ u internet «pakajannaje» videa, dzie ad usiaho adchryščvaŭsia ŭ nadziei, što jaho nie zatrymajuć. Adnak heta nie dapamahło.

Na sudovym pracesie Kruhlak pahadziŭsia davać pakazańni, i tady pradstaŭnik abvinavačańnia i sudździa damahlisia ad jaho poŭnaha pryznańnia viny. U svaim apošnim słovie Alaksiej ahučyŭ, što zhodny na ŭsio, navat stać «ruparam prapahandy», pracavać nie pakładajučy ruk, aby nie adpraŭlali ŭ kałoniju, a adpuścili dadomu da siamji. Adnak sudździa Viktar Kazačok asudziŭ mužčynu da hoda kałonii, jak i prasiŭ prakuror.

Клас
Панылы сорам
Ха-ха
Ого
Сумна
Абуральна