Pra dvajnikoŭ Pucina kiraŭnik Hałoŭnaha ŭpraŭleńnia raźviedki Ministerstva abarony Ukrainy Kirył Budanaŭ raspavioŭ u intervju žurnalistcy Natalli Masiajčuk.
«Ja asabista nie źjaŭlajusia «pucinaznaŭcam», skažam tak. Dla mianie jość dakładna try dvajniki, jakich asabista ja baču adrazu. Kolki ich nasamreč — treba prosta padniać infarmacyju», — zajaviŭ Budanaŭ.
Taksama ŭ intervju jon raspavioŭ, što dastatkova šmat rasijskich čynoŭnikaŭ sprabavali nie dapuścić poŭnamaštabnaha ŭvarvańnia va Ukrainu, bo razumieli, da čaho heta moža pryvieści.
«Ale, jak vy viedajecie, u Rasii rašeńni prymajucca tolki adnym čałaviekam. A jamu ŭnosili infarmacyju takuju, jak chacieli, kab jon jaje ŭbačyŭ. Akramia taho, mieli miesca peŭnyja ŭnutrykramloŭskija razborki, što dastatkova mocna paŭpłyvała na pryniaćcie finalnaha rašeńnia», — dadaŭ Budanaŭ.
Jon adznačyŭ, što kančatkovaje rašeńnie ab poŭnamaštabnym uvarvańni było pryniataje kala 15:00 23 lutaha.
Pytańnie ab vierahodnaj najaŭnaści ŭ rasijskaha prezidenta dvajnikoŭ nieadnarazova padymałasia ŭ ŚMI. Ale nijakich paćviardžeńniaŭ hetamu niama.
U 35 hadoŭ staŭ hienierałam, stvaryŭ adnu z najlepšych raźviedak śvietu. Što viadoma pra kiraŭnika HUR Ukrainy Budanava?
- nie. heta nie praŭda. zamiest čučała voziać mianie
(aniekdot)