Mićko znachodziŭsia pad chatnim aryštam z 2020 hoda. Pa słovach jahonych advakataŭ, jamu «ŭsio čaściej vyklikali chutkuju, adpraŭlali ŭ balnicu». «Jon byŭ nie ŭ stanie ni chadzić, ni siadzieć, ni tym bolš dahladać za žonkaj — lažačaj chvoraj», — zajavili ŭ «Pieršym adździele».
«Prafiesar Valeryj Mićko staŭ čarhovym navukoŭcam, zakatavanym rasijskaj represiŭnaj sistemaj. Pamior sudzimym za złačynstva, jakoha nie ździajśniaŭ, pad zamkom — ale palarnych abšaraŭ, jakija jon tak lubiŭ, u jaho bolš nichto nie adbiare».
Śledstva śćviardžała, što Valeryj Mićko, jaki z 2016 hoda vykładaŭ u Dalańskim marskim univiersitecie ŭ Kitai ŭ jakaści zaprošanaha prafiesara, pradavaŭ sakretnuju infarmacyju kitajskim śpiecsłužbam. Nibyta jon, «budučy ŭ Rasii adnym ź viadučych śpiecyjalistaŭ hidraakustyki», «vyviez u svaim čamadanie» dakumient z charaktarystykami padvodnych łodak, u tym liku rasijskaj.
Navukoviec nie pryznavaŭ siabie vinavatym, zaśviedčvajučy, što ŭsie źviestki, jakija jon nibyta pieradavaŭ Kitaju, znachodziacca ŭ adkrytym dostupie.
