«Ja vitaju vyzvaleńnie Ihara Murašova, hienieralnaha dyrektara Zaparožskaj atamnaj elektrastancyi. Ja atrymaŭ paćvierdžańnie, što spadar Murašoŭ biaśpiečna viarnuŭsia da svajoj siamji», — paviedamiŭ Hrasi.
Ihar Murašoŭ byŭ zatrymany 30 vieraśnia, kali viartaŭsia z pracy ŭ akupavany rasijanami horad Enierhadar — horad-spadarožnik pry AES. Murašovu zaviazali vočy i źvieźli ŭ nieviadomym kirunku. Rasija ničoha nie paviedamlała pra pryčyny jahonaha zatrymańnia.
U toj ža dzień pradstaŭniki MAHATE źviazalisia z rasijskimi akupacyjnymi ŭładami, jakija zajavili, što Murašoŭ «časova zatrymany». Tady Hrasi zajaviŭ, što «aktyŭna damahajecca tłumačeńniaŭ» i vykazaŭ nadzieju na «chutkaje i zdavalniajučaje vyrašeńnie hetaha pytańnia».
