Uviedzienyja abmiežavańni pa praviadzieńni prezientacyj, jubilejaŭ, bankietaŭ, inšych mierapryjemstvaŭ u niepasrednaj blizkaści ad susiednich žyłych damoŭ.
Taksama pa novych praviłach za ŭładalnikami budzie ŭstanoŭlena adkaznaść za parušeńnie hramadskaha paradku abo spakoju hramadzian, nievykanańnie zakanadaŭstva ŭ śfiery sanitarna-epidemijałahičnaha dabrabytu nasielnictva, pryrodaachoŭnych, supraćpažarnych patrabavańniaŭ. Nieści adkaznaść daviadziecca ŭ tym liku za parušeńni, jaki zładziać naviedvalniki.
Ź inšych novaŭviadzieńniaŭ — źjavicca nieabchodnaść atrymańnia ŭ rajvykankamach dazvołu na viadzieńnie dziejnaści ŭ śfiery ahraekaturyzmu. Raniej heta rabiłasia na ŭzroŭni sielskaha savieta. Dziejnyja ahraekasiadziby musiać atrymać taki dazvoł da 1 lipienia 2023 hoda.
Jašče abłvykankamy nadzialili pravam vyznačać pieraliki nasielenych punktaŭ, na terytoryi jakich raźmiaščeńnie ahraekasiadzib nie dapuskajecca. Pry hetym, praduhledžana mahčymaść praciahu pracy isnujučych ahraekasiadzib na takich terytoryjach pry ŭmovie vykanańnia inšych patrabavańniaŭ ukaza.
Hałoŭny mesedž dakumienta — vyklučeńnie mahčymaści vieści haściničny abo restaranny biznes pad vyhladam ahraekasiadzib.
Były ŭładalnik siadziby z 14-hadovym dośviedam raspavioŭ «Našaj Nivie», što heta daleka nie pieršaja takaja sproba dziaržavy. Naprykład, u 2016 hodzie ŭžo ŭźnikali prapanovy zabaranić ładzić viasielli i inšyja bankiety na terytoryi ahrasiadzib.
«U kancy nulavych, kali ja tolki pačynaŭ zajmacca hetaj spravaj, u nas sapraŭdy ŭsio było libieralna. Tady ŭdałosia pierakanać uładu, što treba dać mahčymaść ludziam raźvivać hety napramak, zrabić umovy maksimalna prostymi i prazrystymi. U pryncypie pačatkova tak i było, ale z časam ułady pačali, jak toj kazaŭ, zakručvać hajki», — kaža były ahrasiadzibaviec.
Tym nie mienš, surazmoŭca paćviardžaje, što siarod ułaśnikaŭ ahrasiadzib sapraŭdy jość ludzi, jakija pad vyhladam ahraekaturyzmu faktyčna zajmajucca restaranna-hatelnym biznesam. Paźbiahajuć rehistracyi IP abo jurydyčnaj asoby.
«Takija «ahraekasiadziby» isnujuć, ale heta nie bolš za 5% ad ahulnaj kolkaści. Usie dakładna viedajuć, što heta za jany, dzie znachodziacca i čym faktyčna zajmajucca. Ale zamiest taho, kab zmahacca z takoj źjavaj adrasna, vyrašajuć uskładnić žyćcio ŭsim.
Vyhladaje, što ŭłady staviać usich na adzin uzrovień. U adnolkavych umovach zastajucca i tyja, chto sapraŭdy maje vialikija abaroty i 5-6 supracoŭnikaŭ, i tyja, dla kaho heta chutčej chobi, jakoje amal nie prynosić prybytkaŭ».
Ciapier, zhodna z ukazam, źjaŭlajecca abmiežavańnie pa kolkaści žyłych pakojaŭ dla ahroekaturystaŭ — ich musić być nie bolš za dziesiać.
Na dumku surazmoŭcy, novaŭviadzieńni ŭ pieršuju čarhu niehatyŭna paŭpłyvajuć mienavita na drobnych siadzibaŭcaŭ, jakija nie mieli asablivaha prybytku ad hetaj dziejnaści.
«Miarkuju, što tyja, chto maje vialikija abaroty, zdolejuć znajści šlachi, jak pracavać u novych umovach, a voś niekatoryja drobnyja ahrasiadziby naadvarot mohuć spynić svajo isnavańnie».
raskułačyć i zahnać...
na pracy na vakansiju nie mohuć śpiecyjalista znajści. nikoli takoha nie było. niama ludziej. adhuknulisia paru IP, jakija likvidujuć IP, i adna maskvička, zhodnaja na pierajezd. usio