Fota: Minsk-Naviny
Zhodna z pastanovaj, z 6 kastryčnika 2022 hoda jurydyčnyja asoby ŭsich formaŭ ułasnaści i indyvidualnyja pradprymalniki, jakija robiać vytvorčaść (uvoz) i (abo) realizacyju tavaraŭ na ŭnutrany rynak abo akazvajuć pasłuhi na terytoryi Biełarusi, nie zmohuć pavysić ceny na ŭsie tavary, jak charčovyja, tak i niecharčovyja, i pasłuhi.
Nie dapuskajecca taksama pavyšeńnie cenaŭ (taryfaŭ) u vyniku admieny akcyj, źnižak i rasprodažaŭ.
️Rašeńni ab pavyšeńni cenaŭ buduć ciapier prymać centralnyja orhany dziaržaŭnaha kiravańnia, dziaržaŭnyja arhanizacyi, padparadkavanyja ŭradu, abłvykankamy i Minharvykankam, prytym «tolki ŭ vypadku ekanamičnaj metazhodnaści».
️Ustalavańnie cenaŭ (taryfaŭ) na tavary (pasłuhi), jakija da 6 kastryčnika 2022 hoda nie byli zroblenyja (nie ŭvozilisia, nie realizoŭvalisia, nie akazvalisia) u Biełarusi, taksama musić uzhadniacca z centralnymi orhanami dziaržaŭnaha kiravańnia, dziaržaŭnymi arhanizacyjami, padparadkavanymi ŭradu, z abłvykankamami i Minharvykankamam.
️Ministerstvu antymanapolnaha rehulavańnia i handlu, inšym respublikanskim orhanam dziaržaŭnaha kiravańnia, dziaržaŭnym arhanizacyjam, padparadkavanym uradu, abłvykankamam i Minharvykankamu daručana kantralavać nasyčeńnie rynku tavarami (pasłuhami). Taksama im dajucca paŭnamoctvy na prypynieńnie pracy abjektaŭ, dziejańni śpiecyjalnych dazvołaŭ (licenzij) u vypadku parušeńnia patrabavańniaŭ hetaj pastanovy.
Čytajcie taksama:
Što za rasčlanionaja kuryca padsadziła Łukašenku na kania?
«Chaj tady zabaronić inflacyju jašče i za miažoj». Biznes kpić z papulizmu Łukašenki
«Zabaraniajecca ŭsialaki rost cen». Na 29-m hodzie kiravańnia Łukašenka prydumaŭ, jak spynić inflacyju
Łukašenka zabaraniŭ padymać ceny. Ekanamist: Spynić padaražańnie tavaraŭ mahčyma, ale jość niuans
