«Što pavinna rabić NATA? Vyklučyć mahčymaść prymianieńnia Rasijaj jadziernaj zbroi. Ale što važna, ja jašče raz źviartajusia da mižnarodnaj supolnaści, jak heta było da 24 lutaha:
previentyŭnyja ŭdary, kab jany viedali, što ź imi budzie, kali prymieniać. A nie naadvarot-čakać jadziernych udaraŭ Rasii, kab potym skazać: «Ach, ty tak, nu, voś trymaj ad nas!» — zajaviŭ ukrainski lidar padčas vystupu.
Pa słovach Zialenskaha, Paŭnočnaatłantyčnamu aljansu nieabchodna pierahledzieć paradak prymianieńnia cisku na Rasiju. Pry hetym prezident Ukrainy nie ŭdakładniŭ, pra jakija mienavita previentyŭnyja ŭdary idzie havorka: z prymianieńniem jadziernaj abo zvyčajnaj zbroi.
U Rasii na słovy Zialenskaha adreahavaŭ pres-sakratar rasijskaha prezidenta Dźmitryj Piaskoŭ. Jon zajaviŭ, što na toje, pra što kazaŭ ukrainski prezident, pavinny źviarnuć uvahu ŭsie krainy śvietu, asabliva ZŠA, Vialikabrytanija i Jeŭrasajuz. Ź jahonych słoŭ, vystup Zialenskaha — heta «zaklik da pačatku suśvietnaj vajny».
Słovy Zialenskaha ŭvohule vyklikali šyroki rezanans, tamu jahony pres-sakratar Siarhiej Nikifaraŭ paśla musiŭ patłumačyć słovy prezidenta. Pavodle jaho, Zialenski nie zaklikaŭ vykarystoŭvać jadziernuju zbroju suprać Rasii.
«Prezident havaryŭ ab pieryjadzie da 24 lutaha. Tady treba było prymianić previentyŭnyja miery, kab nie dazvolić Rasii raźviazać vajnu. Nahadaju, što adzinyja miery, pra jakija tady havaryłasia, byli previentyŭnyja sankcyi», — zajaviŭ Nikifaraŭ.
