«Siońnia na vajskovym aeradromie «Šajkoŭka» na terytoryi Kałužskaj vobłaści adbyŭsia vybuch. Upaŭ bieśpiłotnik, jaki, jak miarkujecca, prylacieŭ z boku miažy», — zajaviŭ jon.
Pavodle čynoŭnika, paciarpiełych niama, infrastruktura aeradroma i technika nie byli paškodžanyja. Na miescy pracuje śledča-apieratyŭnaja hrupa.
Kanał Mash nazvaŭ toje, što adbyłosia, «dyviersijaj». Pa viersii telehram-kanała, dron nios snarad dla hranatamiota. Jaho cellu nibyta była ŭźlotna-pasadačnaja pałasa.
Avijabaza «Šajkoŭka» znachodzicca ŭ Kałužskaj vobłaści. Adlehłaść ad jaje da miažy z Ukrainaj — bolš za 200 kiłamietraŭ.
My nie možam pravieryć praŭdzivaść infarmacyi pra nastupstvy ŭdaru hetaha bieśpiłotnika.
Z aeradromaŭ na hetym kirunku startujuć rasijskija bambaviki, jakija nanosiać udary pa Ukrainie ŭ tym liku i z pavietranaj prastory Biełarusi.
