«Hetaja premija była prysudžanaja nie tolki našaj kamandzie i ludziam, jakija ŭsie hetyja hady pracavali plačo da plačo pobač z nami. Nobieleŭskaja premija miru prysudžanaja ŭsim ludziam va Ukrainie, jakija zmahajucca za svabodu va ŭsich jaje sensach», — skazała Matvijčuk na pres-kanfierencyi ŭ Kijevie.

Centru hramadzianskich svabod Nobieleŭskaja premija miru prysudžanaja 7 kastryčnika razam ź biełaruskim pravaabaroncam-palitviaźniem Alesiem Bialackim i rasijskim centram «Miemaryjał». Kali biełaruskaja i rasijskaja hramadzianskija supolnaści ŭspryniali hety fakt z zachapleńniem i entuzijazmam, to ŭkrainskaja hramadskaść pastaviłasia da hetaha vielmi krytyčna, ličačy niedarečnym i abraźlivym uraŭnoŭvańnie ŭkraincaŭ z pradstaŭnikami krain-ahresaraŭ.

Daradca kiraŭnika Ofisa prezidenta Ukrainy Michaił Padalak adznačyŭ, što taki padychod — heta vielmi śpiecyfičnaje razumieńnie słova «mir», i što biełaruskija dy rasijskija pravabaroncy ničoha nie zrabili dla taho, kab spynić vajnu. Prezident Ukrainy Uładzimir Zialenski pakul što na hetuju temu niepasredna nie vykazvaŭsia, ale charakterna, što dahetul jon nie pavinšavaŭ «Centr hramadzianskich svabod» z atrymanaj premijaj. 

Čytajcie taksama:

Kiraŭnica ŭkrainskaha «Centra hramadzianskich svabod» — pra pravy čałavieka i Nobieleŭskuju premiju 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?