Paciarpieły budynak u Biełharadzie
Pad Novym Askołam u Biełharadskaj vobłaści siońnia spynieny ruch ciahnikoŭ paśla taho, jak u hetym rajonie spracavała SPA, raspavioŭ hubiernatar vobłaści Viačasłaŭ Hładkoŭ. Pavodle jaho, rakiety byli źbityja.
«Reštki ŭpali ŭ rajon čyhunki. Paškodžanyja linii elektrapieradač. Ruch ciahnikoŭ časova prypynieny. Čakajem avaryjnyja bryhady. Upeŭnieny, što jany vielmi chutka vypraviać situacyju i ruch budzie adnoŭleny», — napisaŭ jon u svaim telehram-kanale.
Pa słovach Hładkova, paciarpiełych niama.
Raniej u Biełharadzie byŭ paškodžany žyły dom, jak miarkujecca, u jaho trapiŭ abłomak rakiety.
Hładkoŭ abvinavačvaŭ u abstrełach vajskoŭcaŭ USU, adnak ukrainskija aficyjnyja asoby admaŭlajuć dačynieńnie da incydentaŭ u Biełharadskaj vobłaści.
Alaksiej Arastovič tak prakamientavaŭ abstreły ŭ Biełharadzie:
«My nie stralajem pa rasijskaj terytoryi — my sa ździŭleńniem nazirajem za tym, što tam adbyvajecca. Adčuvańnie, što BNR vajuje z Kurskaj i Varoniežskaj narodnymi respublikami. My asudžajem sutyknieńnie i chočam vystupić pasiarednikam, kab hetyja try braterskija narody nie źniščali adzin adnaho».