«Ja byŭ hatovy da takoha pytańnia, viedaŭ, što vy jaho zadaście. Ale my kamientavać nie možam, — adkazaŭ Zialinski, a ŭ nastupnuju siekundu dastaŭ kavałak kavuna i pačaŭ jaho jeści, paśmichajučysia. — Heta zaraz zabaroniena, dačakajciesia ad Hienieralnaha štaba infarmacyi. Vam usio paviedamiać, i ŭsio budzie Ukraina».
Jak viadoma, Chiersonščyna słavicca svaimi kavunami.
Za apošnija tydni ŭkrainskija vojski prasunulisia na paŭdniovym froncie, viarnuŭšy častku akupavanaj Chiersonščyny.
Ukrainskaja armija prarvała rasijskuju liniju frontu pad Chiersonam na pačatku miesiaca, što stała samym bujnym prasoŭvańniem Ukrainy na poŭdni z pačatku poŭnamaštabnaha ŭvarvańnia Maskvy ŭ lutym.
13 kastryčnika maryjanietkavy kiraŭnik akupavanaj častki Chiersonskaj vobłaści Uładzimir Salda źviarnuŭsia da Pucina z prośbaj dapamahčy z evakuacyjaj žycharoŭ rehijona ŭ inšyja častki Rasii.
FT: Ukraina moža ŭziać Chierson užo na nastupnym tydni
