Całkam naturalna, što Załužny akazaŭsia vialikim fanatam litaratury pra vojny i armii.
Na stale hienierała prysutničaje ŭkrainskaje vydańnie ź simvaličnaj nazvaj «Słoŭnik ruskaha vajennaha słenha» ad Nacyjanalnaj akademii Słužby biaśpieki Ukrainy.
Hetaje vydańnie daje tłumačeńnie značeńniaŭ žarhanizmaŭ, jakija vykarystoŭvajuć členy dyviersijna-raźviedvalnych hrup, rasijskija vajskoŭcy i supracoŭniki śpiecsłužbaŭ, pradstaŭniki złačynnych hrupovak, jakija kirujucca Rasijaj. Dziakujučy hetamu možna razumieć śpiecyfiku ich razmovaŭ i pierapiski, atrymanyja ŭ vyniku pierachopaŭ i praviadzieńnia apieratyŭna-śledčych dziejańniaŭ. U słoŭniku pradstaŭlena vialikaja kolkaść malunkaŭ, jakija nahladna ilustrujuć pradstaŭleny materyjał.
U Załužnaha staić i «Suśvietnaja historyja vojnaŭ» Dziupiui 1997 hoda vydańnia. U knizie pakazana evalucyja sposabaŭ viadzieńnia bajavych dziejańniaŭ, źjaŭleńnie roznych rodaŭ vojskaŭ i ich upłyŭ na stratehiju i taktyku. Značnaja ŭvaha nadajecca roli techniki i ŭzbrajeńniaŭ u vajennaj historyi čałaviectva.
Encykłapiedyja źmiaščaje mnostva roznych faktaŭ, dat, imionaŭ; bolš za try tysiačy ilustracyj. Jana dapamahaje razhledzieć minułaje praz pryzmu vojnaŭ.
Ëść na palicy ŭ Załužnaha i zusim śviežaja kniha: «Isłamskaja dziaržava: samaja maštabnaja bitva sučasnaści» 2022 hoda vydańnia. Centralnaja tema knihi — «Isłamskaja dziaržava» i hrandyjoznaja bitva za paŭtaramiljonny horad Masuł u Iraku. U baraćbie suprać «ID» u ramkach hłabalnaj kaalicyi ŭziała ŭdzieł i Ukraina. Bitva za Masuł — samaja maštabnaja vajennaja apieracyja XXI stahodździa, jakaja sfarmavała kancepcyju viadzieńnia vojnaŭ u śviecie na hady napierad.
Załužny taksama maje ŭ siabie knihu «Honar daražejšy za žyćcio» prezidenta Ičkieryi Maschadava, jakaja była nadrukavanaja pa-ŭkrainsku ŭ 2020 hodzie.
«Ciapier šmat zapytaŭ na hetuju knihu, a jaje niama. Na dadrukoŭcy. Ja ž nie čakała, što naša vydaviectva z marhinalnaha tak raptam pieratvorycca ŭ mejnstrymnaje. Jašče i drukarni tak niestabilna pracujuć. Ale ničoha, chutka ŭsio budzie», — piša suzasnavalnica vydaviectva «Žalezny tata» Iryna Hołub.
Jašče adna kniha na stale ŭ hienierała — «Nacyjanalnyja lidary Jeŭropy».
Heta zbornik časopisaŭ i brašur adnaho ź ideołahaŭ ukrainskaha nacyjanalnaha ruchu Dmytra Dancova. Kniha składajecca z histaryčnych partretaŭ viadomych palityčnych dziejačaŭ. Kniha dapoŭniena kłasičnym traktatam Makijavieli «Uładar» i daśledavańniem francuzskaha etnapsichołaha Hiustava Lo Bona «Zadača raźvitańnia».
Lažała pobač z Załužnym i kniha «Kryłatyja vyrazy na varcie Ukrainy». Ale ŭ adkrytym dostupie infarmacyi pra jaje niama. Mahčyma, hetaja kniha vyjšła ŭ zakrytym vydaviectvie siłavych struktur.
