U śviatara spytali, što zaraz adbyvajecca pamiž Rasijaj i Ukrainaj, jak z hetym žyć i što rabić?

«Vakoł razdajucca hałašeńni: jak ža chryścijanie mohuć vajavać z chryścijanami? Ale ŭspomnicie kryžovy pachod na pravasłaŭnuju Vizantyju. I zaraz pahladzicie: što va Ukrainie robiać z pravasłaŭnymi chramami? U siabie ŭ krainie, jakaja dała sotni śviatych, dziasiatki cudatvornych abrazoŭ Baharodzicy, apahańvajuć chramy, śviataroŭ katujuć i zabivajuć», — chłuśliva śćviardžaje Fiodar Poŭny.

Nasamreč va Ukrainie chramy razburalisia tolki ŭ vyniku abstrełaŭ na linii frontu i ad rasijskich rakiet, a śviatary hinuli tolki frantavyja. Hetaje śćviardžeńnie maje na mecie raspalvańnie varožaści da ŭkraincaŭ.

«I nam taksama treba baranić svaju vieru i svaju ziamlu. Kali my vierym u Boha, my abaviazany być za Božuju praŭdu. A praŭda ŭ tym, što nacyzm — heta djabalskaja ŭchmyłka. Praŭda ŭ tym, što z nami Boh i Jon nam patrebien. A na nas iduć tyja, chto z Boham zmahajecca. Jak śviatar, skažu ŭsim viernym: treba duchoŭna mabilizavacca i być hatovymi da ŭsiaho. Treba prymać realnaść, a nie padman. Nie treba čakać, vobrazna kažučy, pakul vorah dojdzie da Maskvy, pataptaŭšy nas, kab zrazumieć, što treba było biehčy da Boha pazaŭčora.

I jašče. Tak, u nas niama mabilizacyi. Naminalna my — inšaja dziaržava. Ale heta nie značyć, što my možam pić, jeści, viesialicca, pakul našy braty (a my ž tak siabie pazicyjanujem u Sajuznaj dziaržavie) iduć abaraniać nie tolki siabie, ale i nas. Brat prykryvaje nas ščytom, a ŭ jaho samoha laciać kuli.

My choć kryšačku ŭdziačnyja za heta? My chacia b molimsia ab zahinułych? Viedajem ich imiony? Ci my budziem potym kazać hučnyja słovy ab tym, što nichto nie zabyty?

Ciapier za nas usich mabilizavany, zasiarodžany i vielmi surjozny naš prezident. Heta nie pafasnyja słovy. Dyk ci nadoŭha chopić jaho serca chavać nas za svajoj śpinaj? My ž nie niemaŭlaty» — miarkuje śviatar.

Nasamreč usie kanfiesii Ukrainy, u tym liku i Ukrainskaja pravasłaŭnaja carkva Maskoŭskaha patryjarchata, asudzili napad Rasii i režymu Łukašenki — impieryjalistyčnuju vajnu z metaj rasčlanieńnia Ukrainy, u vyniku jakoj zahinuli dziasiatki tysiač ludziej.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?