Jak stała viadoma Svabodzie, ź pieratrusam da Dar‘i Łosik pryjšli a pałovie na vośmuju ranku. Sama Dar‘ia z dačkoj jašče spała.

Dar‘i dali patelefanavać baćkam, maci dziaŭčyny chutka pryjechała na miesca, ale jaje navat nie puścili ŭ kvateru, tolki potym addali papierku ab tym, što praviali pieratrus. Padčas pieratrusu ŭ kvatery, aproč siłavikoŭ i paniatych, byli tolki sama Dar‘ia i jaje dačka Paŭlina.

Darja zatrymanaja na troje sutak u ramkach kryminalnaj spravy, ciapier jaje pavieźli ŭ Brest.

U jakim kankretna artykule jaje abvinavačvajuć, pakul nieviadoma.

«Paŭlina pakul što ŭ babuli ź dziadulem, baćkoŭ Darji», — skazali nam.

U adnym z kanałaŭ pad kiravańniem HUBAZiK apublikavany post, dzie ŭkazvajecca, što na Darju moža być zaviedzienaja kryminalnaja sprava pavodle art. 361-4 KK RB «sadziejničańnie ekstremisckaj dziejnaści» za intervju telekanału «Biełsat».

Darja Łosik — žonka palitźniavolenaha błohiera Ihara Łosika, asudžanaha na 15 hadoŭ kałonii pa «spravie Cichanoŭskaha». Jana nieadnarazova zapisvała zvaroty da Łukašenki z patrabavańniem vyzvalić muža. Darja zastavałasia ź dziciem u Biełarusi.

Darja Łosik zapisała zvarot da Łukašenki, u jakim prapanavała abmianiać siabie na muža VIDEA

«Aryštavali pijanina, jakoje mnie kupili baćki ŭ pieršym kłasie». U Darji i Ihara Łosikaŭ aryštavali majomaść

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?