Viačasłaŭ Bukas byŭ zatrymany 9 vieraśnia. Padstavaj dla zatrymańnia stali dźvie błakitnyja i dźvie žoŭtyja łampadki, jakija mužčyna zapaliŭ i pastaviŭ kala pomnika «Babrujčanam — achviaram nieabhruntavanych represij». U pratakole pa art. 24.23 KaAP (niesankcyjanavanaje pikietavańnie) paznačana, što takim čynam Bukas «vykazvaŭ svajo hramadska-palityčnaje mierkavańnie da Dnia niezaležnaści Ukrainy». Svaju vinu mužčyna pryznaŭ.

Viadoma, što milicyjanty praviali daktyłaskapičnuju ekśpiertyzu — na łampadkach znajšli adbitki palcaŭ Viačasłava. Fota z łampadkami 24 žniŭnia byli apublikavanyja ŭ th-kanale «Bobrujsk Online». Hetyja fota znajšli i ŭ telefonie mužčyny.

Taksama byŭ dapytany śviedka, jaki raspavioŭ, što asabista bačyŭ, jak Bukas padpalvaje łampadki.

U vyniku sudździa Alena Hormaš 12 vieraśnia pryznała Bukasa vinavatym u «pikietavańni» i aryštavała jaho na 15 sutak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?