Lola (Alena) Michaluk (Marcinkievič) naradziłasia ŭ 1930 hodzie ŭ vioscy Łonskija ciapierašniaha Šarkaŭščynskaha rajona Viciebskaj vobłaści. Padčas II suśvietnaj vajny jaje vyvieźli na pracy ŭ Niamieččynu, pa vajnie jana była ŭ łahiery dla pieramieščanych asobaŭ u niamieckim Vatenštecie, dzie vučyłasia ŭ Biełaruskaj himnazii i była aktyvistkaju skaŭckaha biełaruskaha ruchu.

Jaje siamja vyrašyła nie viartacca ŭ SSSR i pierajechała ŭ Vialikabrytaniju, tam u 1947 hodzie Lola Michaluk dałučyłasia da Zhurtavańnia biełarusaŭ u Vialikabrytanii.

U 1965—1970 hadach jana pracavała ŭ biełaruskaj škole-internacie imia Kiryły Turaŭskaha ŭ Łondanie, padtrymlivała Biełaruskuju aŭtakiefalnuju pravasłaŭnuju carkvu, brała ŭdzieł u pracy Anhielska-biełaruskaha tavarystva, była siabram rady Biełaruskaha dabračynnaha fondu ŭ Brytanii.

Jaje vybrali siabram Rady BNR u 1982 hodzie, u 1997 hodzie jana stała staršynioj ZBVB, zastavałasia hanarovym (niaźmiennym) siabram Upravy Zhurtavańnia biełarusaŭ u Vialikabrytanii paśla sychodu z pasady ŭ 2013 hodzie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?