U krasaviku 2022 hoda 48-hadovy mužčyna vyzvaliŭsia ź miescaŭ pazbaŭleńnia voli i pryjechaŭ u baćkoŭski dom u haradski pasiołak Suraž Viciebskaha rajona. Tam jon staŭ žyć z dvuma małodšymi bratami, 39 i 40 hadoŭ.
Uviečary 15 krasavika dvoje mužčyn raśpivali śpirtnyja napoi, a zatym usie troje bratoŭ lahli spać. Zatym małodšyja pračnulisia ad pachu harełaha i ŭbačyli, jak haryć kanapa, jakuju padpaliŭ ich svajak. Paśla taho, jak jany patušyli ahoń, padpalščyka adpravili ćvierazieć na dvor i znoŭ lehli spać.
Starejšy ž brat, chočučy adpomścić, zakruciŭ praboi drotam i padpior dźviery draŭlanaj pałkaj, kab u svajakoŭ nie było mahčymaści pakinuć chatu. Zatym złamyśnik jaje padpaliŭ, a kali pierakanaŭsia, što ahoń razrastajecca, schavaŭsia.
Adzin z małodšych bratoŭ pračnuŭsia ranicaj ad tresku padpalenych materyjałaŭ, razbudziŭ druhoha mužčynu, i razam jany vyskačyli praz akno. Paźniej stała viadoma, što akramia zamachu na zabojstva złamyśnik svaimi dziejańniami źniščyŭ majomaść na sumu bolš za 10 tys. rubloŭ. Dom adnaŭleńniu nie padlahaje.
U chodzie śledstva vyjaviłasia, što abvinavačany raniej nieadnarazova pryciahvaŭsia da kryminalnaj adkaznaści za ŭčynieńnie kradziažoŭ, nidzie nie pracavaŭ, złoŭžyvaŭ śpirtnymi napojami. Za niekalki dzion da taho jon akazaŭsia datyčny da ździajśnieńnia rabavańnia: 10 krasavika jon prabraŭsia ŭ chatu 83-hadovaj žančyny i vykraŭ pradukty.
U vyniku jamu pradjaŭlenyja abvinavačańni pa čatyroch artykułach Kryminalnaha kodeksa, materyjały kryminalnaj spravy pieradadzienyja prakuroru dla nakiravańnia ŭ sud.
