— Ci praŭda, što ciapier za pierajemnaść stać prezidentam RF ciškom zmahajucca Dźmitryj Miadźviedzieŭ i syn Mikałaja Patrušava — Dźmitryj Patrušaŭ, jaki ciapier źjaŭlajecca ministram sielskaj haspadarki?
— Miadźviedzieŭ — biez šancaŭ. A što tyčycca syna Patrušava, to jaho choča bačyć prezidentam pierš za ŭsio jaho baćka. Heta samy hałoŭny, chto choča hetaha. Ci jość u Patrušava šancy? Hipatetyčna jość. Ale jon tam nie adzin.
— Chto jašče?
— Bačyć siabie ŭ kreśle Kiryjenka.
— Kiryjenka — heta namieśnik kiraŭnika AP, jaki dapamahaŭ Pucinu ciapier pravieści akupacyju?
— U tym liku. Jon bačyć jak raz siabie pierajemnikam pry takim bolš-mienš mirnym tranśfiery ŭłady.
— Jość jašče kandydaty?
— Davajcie spynimsia pakul na hetych. Jašče pačakajem troški, — adkazaŭ kiraŭnik ukrainskaj raźviedki.
***
Dźmitryju Patrušavu 45 hadoŭ. Jon pracuje ministram sielskaj haspadarki Rasii z 2018 hoda. Były staršynia praŭleńnia «Raśsielhasbanka», člen rady dyrektaraŭ «Hazproma». Dźmitryj Patrušaŭ uklučany ŭ niekalki sankcyjnych śpisaŭ, składzienych u suviazi sa spravaj Navalnaha i z uvarvańniem Rasii va Ukrainu ŭ 2022 hodzie.
***
Siarhieju Kiryjenku 60 hadoŭ. Kiryjenka — pieršy namieśnik kiraŭnika Administracyi prezidenta z 5 kastryčnika 2016 hoda. Člen Dziaržaŭnaha savieta z 21 śniežnia 2020 hoda. Hieroj RF (2018). Staŭ samym maładym u historyi RF kiraŭnikom urada ŭ 1998 hodzie — u 35 hadoŭ. Hienieralny dyrektar «Rasatama» (2005-2016). Znachodzicca pad sankcyjami Jeŭrasajuza, Vialikabrytanii, ZŠA i Japonii.
