«Siońnia viečaram na pierahonie pamiž nasielenymi punktami Navazybkaŭ i Złynka spracavała nieviadomaje vybuchovaje prystasavańnie. Paškodžanyja čyhunačnyja šlachi. Paciarpiełych niama. Na miescy pracujuć ekstrannyja i apieratyŭnyja słužby», — napisaŭ hubiernatar Branskaj vobłaści.
Inšych padrabiaznaściaŭ adnosna hetaha incydentu pakul niama.
Hety rajon znachodzicca na sutyku miežaŭ Biełarusi, Ukrainy i Rasii i maje važnaje stratehičnaje značeńnie. Praz hety ŭčastak apošnim časam viadziecca šmat vajskovych pieravozak z Rasii ŭ Biełaruś i nazad. Ciapier ruch praź jaho spynieny.
