Mahiły svajakoŭ Andreja Iščanki

Mahiły svajakoŭ Andreja Iščanki

Andrej Iščanka žyvie ŭ pasiołku za niekalki kiłamietraŭ ad Jejska. Jaho rodnyja žyli ŭ trochpakajovaj kvatery na siomym paviersie doma, na jaki ŭpaŭ Su-34. U katastrofie zahinuli jaho brat Alaksandr z žonkaj Halinaj (50 i 49 hadoŭ), ich dzieci Natalla i Anton (24 i 20 hadoŭ), a taksama ŭnuki Ivan, Nina i Mikałaj (9, 8 i 6 hadoŭ).

Kali samalot upaŭ na dom jaho rodnych, Andrej znachodziŭsia na pracy. Pra zdareńnie jon daviedaŭsia ad znajomaha, jaki adpraviŭ jamu ŭ WhatsApp fatahrafiju padjezda paśla krušeńnia bambardziroŭščyka.

«Ja paznaŭ padjezd, staŭ telefanavać bratu, jon uziaŭ słuchaŭku i mituśliva abiacaŭ pieratelefanavać, ja padumaŭ, što jon staić kala doma. Potym patelefanavaŭ jašče i jašče, jon užo nie adkazvaŭ. Pačali zakradacca drennyja dumki, ja vychodziŭ, kuryŭ i telefanavaŭ. Ja dumaŭ: choć by byŭ žyvy. Jašče praz paru telefanavańniaŭ dumaŭ: choć by chto-niebudź ź dziaciej zastaŭsia žyvy. Ja byŭ hatovy, kali baćki zahinuli, usynavić dziaciej. Ale akazałasia voś tak».

Na nastupnuju ranicu Andrej pryjechaŭ u Jejsk i adrazu adpraviŭsia na apaznańnie. Cieły jaho svajakoŭ ratavalniki znajšli chutka. Pa słovach Andreja, Natallu z tryma dziećmi jany znajšli ŭ razburanym leśvičnym pralocie.

Jany išli pa leśvicy i, mabyć, nie zmahli spuścicca, leśvica akazałasia razburanaj. Alaksandr taksama byŭ na pralocie, jon, mabyć, sačyŭ, kab usie vyjšli z kvatery. Dzie byli Halina i Anton, jon nie viedaje.

Pachavańnie siamji Iščankaŭ prajšło 20 kastryčnika. Administracyi horada i kraja apłacili paminalny abied i pasłuhi pa pachavańni. U intervju Andrej niekalki razoŭ pramoviŭ słovy padziaki ŭ adras administracyj. «Kali b nie ich dapamoha, ja nie viedaju, jak by my ŭsio heta razhrabali», — skazaŭ jon. Akramia hetaha jon padkreśliŭ, što nie vinavacić piłotaŭ samalota.

«Lotčykaŭ ni ja, ni maja mama nie vinavacim. Chłopcy ciahnuli da apošniaha, im nie chapiła litaralna 850 mietraŭ da limana, kab zvalicca ŭ liman (zaliŭ pobač z horadam). Jany rabili ŭsio, što mahli. Ja razumieju, budzie ciažka, ale im žyć z hetym. Hałoŭnaje, kab jany lotali dalej, abaraniali naša nieba, nie złamalisia ŭ hetaj situacyi. A kaho vinavacić? Niachaj raźbirajucca kampietentnyja orhany. Ja nie boh i nie prakuror, kab kahości vinavacić. Vy nie zabyvajcie, što lotnaja technika — heta takaja reč: traplaje inšarodny pradmiet u vyhladzie ptuški — i ŭsio», — kaža Andrej Iščanka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?