Kirył Cichamiraŭ (źleva) i Andrej Šarupič
Učora Ministerstva abarony Biełarusi ŭ adkaz na videazvarot Uzbrojenych siłaŭ Ukrainy da vajskoŭcaŭ Uzbrojenych sił Biełarusi vypuściła svoj rolik «Biełarusy adkazvajuć tym, chto nie zrazumieŭ. A moža, nie chacieŭ razumieć?».
U videaroliku dla zdymak byŭ zadziejničany kapitan Kirył Cichamiraŭ i Andrej Šarupič.
Kirył Cichamiraŭ — staršy aficer 2 hrupy adździeła ideałahičnaj raboty Vajskovaj akademii. Bajpoł nahadvaje, što Cichamiraŭ byŭ fihurantam raniejšaj publikacyi pra falsifikacyju vybaraŭ prezidenta ŭ 2020 hodzie i vynikaŭ refierendumu pa źmienie Kanstytucyi ŭ 2022 hodzie.
U svaju čarhu, Andrej Šarupič słužyć u 5-j asobnaj bryhadzie śpiecyjalnaha pryznačeńnia. U 2020 hodzie vajennasłužačyja hetaj bryhady padaŭlali narodnyja pratesty. Mienavita vajskoŭcami hetaha złučeńnia byŭ zastreleny ŭ Breście baćka traich dziaciej Hienadź Šutaŭ. «Bajpoł» źviartaje ŭvahu i na toj fakt, što žonka Šarupiča — hramadzianka Rasii, a nie Biełarusi.
Čytajcie taksama:
BYPOL: Vykładčyki i kursanty Vajennaj akademii brali ŭdzieł u falsifikacyi vybaraŭ 2020 hoda
Ukrainskaja armija źviarnułasia da biełarusaŭ z prośbaj nie ŭstupać u vajnu razam z Rasijaj
