Tysiačy ptušak byli padobnyja da žyvoha vobłaka. Pryčym ruchalisia jany jak adziny arhanizm, amal sinchronna źmianiajučy chutkaść i kirunak ruchu. U niebie źjaŭlalisia fantastyčnyja abjomnyja fihury, jakija praź imhnieńnie voka źmianialisia inšymi. «Taniec» doŭžyŭsia kala dźviuch chvilin, zatym ptuški «rassypalisia» pa niebie i kudyści palacieli.
«Šum ad kryłaŭ byŭ taki, byccam dzieści pobač hudzie roj pčoł», — raspavioŭ śviedka.
Chutčej za ŭsio, heta byli špaki. Mienavita jany źbirajucca paśla pieryjadu hniezdavańnia ŭ vielizarnyja čarody, jakija dasiahajuć 100 000 asobin. Ličycca, što takija «žyvyja abłoki» abaraniajuć špakoŭ ad drapiežnikaŭ, jakim ciažej skancentravacca na peŭnaj celi.
